.gif)
धनकुटामा सोमबार भएको बस दुर्घटनामा मृत्यु हुनेको संख्या तीन पुगेको छ । दुर्घटनामा गम्भीर घाइते भएका भोजपुरको षडानन्द नगरपालिका– १३ का ५८ वर्षीय लिलाबहादुर श्रेष्ठको उपचारको क्रममा आज बिहान मृत्यु भएको प्रहरीले जनाएको छ ।
यसअघि बस चालक सुनसरीको धरान उपमहानगरपालिका– १३ का ५१ वर्षीय रुद्र तामाङ र धनकुटा नगरपालिका– ६ कि ७३ वर्षीया कृष्ण कुमारी राई ९भुजेल०को मृत्यु भएको थियो । दुर्घटनामा गम्भीर घाइते भएका चालकको धरानस्थित बीपी कोइराला स्वास्थ्य विज्ञान प्रतिष्ठानमा मृत्यु भएको थियो । कृष्णकुमारीको जिल्ला अस्पताल धनकुटामा मृत्यु भएको प्रहरीले जनाएको छ ।
श्रेष्ठको पनि उपचारको क्रममा धरानमा मृत्यु भएको प्रहरी जिल्ला प्रहरी कार्यालय धनकुटाले जनाएको छ । सोमबार बिहान धरानबाट भोजपुरतर्फ जाँदै गरेको को १ ख २१७७ नम्बरको बस धनकुटा नगरपालिका– ६ मा दुर्घटना हुँदा १५ जना घाइते भएका थिए ।
दुर्घटनामा घाइते भएकामध्ये थप २ जनाको अवस्था गम्भीर रहेको प्रहरीले जनाएको छ । घाइते १२ जनाको उपचार भइरहेको प्रहरीले जनाएको छ । उकालो चढ्ने क्रममा एयर पाइप फुटेर ब्रेक नलाग्दा बस दुर्घटना भएको प्रहरीले जनाएको छ । घाइतेहरुको जिल्ला अस्पताल धनकुटा र बीपी कोइराला स्वास्थ्य विज्ञान प्रतिष्ठान धरानमा उपचार भइरहेको छ ।
.jpeg)
.gif)
