सुनसान जोमसोम एयरपोर्ट

नेपाल रैबार
आइतवार , आषाढ २८, २०८३

मौसम खुलेसँगै देखिने निलो आकास मुनि मुस्ताङको जोमसोमबाट सेताम्मे निलगिरी हिमालको मनमोहक दृश्य देखिन्छ । आकाशमा कतै—कतै देखिएका सेता बादल विस्तारै हट्दै जाँदा चम्किलो घामसँगै निलगिरी हिमाल झन् आकर्षक बन्ने गरेको छ ।

जोमसोम विमानस्थलबाट निकै नजिकै रहेको निलगिरी हिमालको मनोरम दृश्यले यहाँ पुग्ने पर्यटकको मनै लोभ्याउने गरेको छ । विमानस्थलबाटै स्पष्ट देखिने निलगीरी हिमालले मुस्ताङ भ्रमणमा आउने गरेको पर्यटकलाई अझ आकर्षित गर्ने गरेको छ ।

विशेषगरी मुक्तिनाथ दर्शनका लागि जोमसोम विमानस्थल हुँदै यात्रा गर्ने पर्यटकले निलगिरी हिमालको प्राकृतिक सौन्दर्य अवलोकन गर्दै यात्रा गर्ने अवसर समेत पाउने गरका छन् ।

निलो आकाश, हिउँले ढाकिएको निलगिरी हिमाल र वरपरको प्राकृतिक वातावरणले जोमसोम क्षेत्रलाई अझ आकर्षक गन्तव्यका रूपमा स्थापित गरेको छ । प्राकृतिक सुन्दरताले भरिएको यो क्षेत्र धार्मिक पर्यटनसँगै हिमाली दृश्यावलोकनका लागि पनि लोकप्रिय बनेको छ ।

मुक्तिनाथको धार्मिक महत्त्वसँगै निलगिरी हिमालको दृश्यले जोमसोमलाई नेपालको प्रमुख हिमाली पर्यटन गन्तव्यका रूपमा थप परिचित समेत बनाएको छ । यद्यपी, यतिबोला पर्यटकीय जिल्ला मुस्ताङको जोमसोम विमानस्थलमा नियमित हवाई उडान ठप्प भएको छ । मनसुन सक्रिय भएसँगै मौसममा आउने प्रतिकूलता र धावनमार्गको सुरक्षालाई ध्यानमा राख्दै एयरलाइन्सहरूले जेठको तेस्रो सातादेखि भदौको पहिलो सातासम्मका लागि आफ्ना सबै निर्धारित उडानहरू स्थगित गरेका हुन् ।

जोमसोम नागरिक उड्डयन कार्यालयका प्रमुख दीपक पोखरेलका अनुसार हाल नियमित जहाजको उडान नभए पनि फाट्टफुट्ट रूपमा चार्टर्ड हेलिकप्टरहरूले भने उडान भरिरहेका छन् । ‘अहिले हाम्रोमा नियमित फ्लाइटहरू छैनन, तर हेलिकप्टरको चासो भने देखिन्छ र बेलाबेलामा चार्टर्ड उडानहरू भइरहेका छन,‘ प्रमुख पोखरेलले भने, ‘मनसुन अवधिभर मौसम छिनछिनमा परिवर्तन हुने भएकाले साना जहाजका लागि उडान भर्न जोखिमपूर्ण मानिन्छ, जसका कारण एयरलाइन्सहरूले यो समयमा उडान कटौती गर्ने गर्छन् ।’

विमानस्थल कार्यालयले उडान नभए पनि आफ्नो सेवा र तयारीमा कुनै कमी नराखेको स्पष्ट पारेको छ । प्रमुख पोखरेलले विमानस्थलको अवस्थाबारे जानकारी दिँदै भने, ‘हामी सेवा दिनका लागि सधैँ तयार छौँ, यो एउटा पसल जस्तै हो, हामी सेवा दिनकै लागि यहाँ बसेका हौँ । जहाज नआए पनि हामी आफ्नो कार्यक्षेत्रमा खटिएका हुन्छौँ ।’ उनले विमानस्थलको धावनमार्गमा कुनै समस्या नरहेको र प्राविधिक रूपमा उडानका लागि विमानस्थल सक्षम रहेको समेत बताए ।

हवाई सेवा बन्द भएपछि मुस्ताङ र प्रसिद्ध तीर्थस्थल मुक्तिनाथ जाने यात्रीहरूले अहिले सडक मार्गलाई विकल्पका रूपमा रोज्न थालेका छन् । जोमसोमबाट मुक्तिनाथसम्मको सडक यात्रा सहज रहेकाले पनि धेरैजसो यात्रीहरू गाडीमार्फत गन्तव्यमा पुग्ने गरेका छन् ।

हवाई कार्यालयले केवल उडानको तथ्याङ्क राख्ने भएकाले सडक मार्गबाट जाने यात्रीहरूको चापबारे आधिकारिक जानकारी नभए पनि विमानस्थल प्रमुख पोखरेलले यात्रीहरू सहजै गाडीबाट यात्रा गरिरहेको बताए ।

साउन र भदौको वर्षात् सकिएपछि र मौसममा सुधार आएसँगै भदौको दोस्रो सातादेखि पुनः नियमित उडानहरू सुचारु हुने अपेक्षा गरिएको छ । हाललाई भने मुस्ताङको हवाई सम्पर्क केवल अत्यावश्यक र चार्टर्ड हेलिकप्टरमा मात्र सीमित हुन पुगेको छ ।

प्रतिक्रिया दिनुहोस्

भर्खरै

सुनसान जोमसोम एयरपोर्ट

सरकारको प्रतिबद्धता : किसानलाई पेन्सन दिने

डुबानबाट प्रभावित बालकलाई हर्क साम्पाङले ५० हजार सहयोग गर्ने घोषणा

होल्डिङ सेन्टर डुबेपछि आङ्देम्बेको प्रश्न- सुरक्षित व्यवस्थापनको वाचा कहाँ गयो ?

विद्यार्थीलाई ज्ञानसँगै मौलिक संस्कृतिसँग जोड्दै समता विद्यालय

चिया खान निस्किएका व्यक्ति १७ दिनदेखि बेपत्ता

आज र भोली भारी वर्षाको सम्भावना, सतर्क रहन आग्रह

साउन १ देखि सर्वोच्च अदालतमा डेढ साता नियमित सुनुवाइ प्रभावित हुने

कीर्तिपुरको होल्डिङ सेन्टरमा पुगेका जेनजी अभियन्ता माजिद अन्सारीसहित केही पक्राउ

सम्पादक

रमन बडैला

सूचना विभाग दर्ता नम्बर

१८१६/०७६-७७

+977-9869602660

[email protected]

गृहपृष्ठ

अपडेट

ट्रेन्डिङ

भिडियो

सरकारको प्रतिबद्धता : किसानलाई पेन्सन दिने

डुबानबाट प्रभावित बालकलाई हर्क साम्पाङले ५० हजार सहयोग गर्ने घोषणा

होल्डिङ सेन्टर डुबेपछि आङ्देम्बेको प्रश्न- सुरक्षित व्यवस्थापनको वाचा कहाँ गयो ?

विद्यार्थीलाई ज्ञानसँगै मौलिक संस्कृतिसँग जोड्दै समता विद्यालय

डोकोमा घाँस बोकेर सडकमा उत्रिइन् सिम्रन खड्का

सुनसान जोमसोम एयरपोर्ट

नर्वेमाथि इङ्ग्ल्यान्डको जितमा के हो स्पाइडरक्याम विवाद ?

नबिल बैंकको ४२ वर्षे गौरवमय यात्रा : अर्थतन्त्रको बलियो खम्बा बन्दै ‘बैंकिङ एन्ड बियोन्ड’ को नयाँ अध्याय

साना र सावित्री चम्किँदा नेपाल विजयी, सिङ्गापुरलाई १५१ रनले हरायो

मन्त्री प्रतिभा रावल, मधेशका मुख्यमन्त्री र सांसद रहबर अन्सारीबीच छलफल

८० प्रतिशतभन्दा बढी अनौपचारिक क्षेत्रमा कार्यरत श्रमिकहरूको सम्‍बोधनबिना देश समृद्ध हुनैसक्‍दैन

चर्को ट्राफिक जरिवाना लगाउने प्रस्तावको अन्तर्राष्ट्रिय स्तरमै विरोध

बाल समृद्धि र एकीकृत विकासका लागि विद्यालय–स्थानीय तह संवाद सम्पन्न, विद्यार्थीले उठाए विद्यालयका विविध समस्या

पेट्रोल, डिजेल र एलपी ग्यासको मूल्य घट्यो, नयाँ मूल्य कति ?

ग्राहकमैत्री डिम्याट र आस्बा सेवामा नयाँ क्रान्ति: रोजिना तिवारी

सुनसान जोमसोम एयरपोर्ट

251

251

सम्पादक

रमन बडैला

सूचना विभाग दर्ता नम्बर

१८१६/०७६-७७

+977-9869602660

सर्च गर्नुहोस्

गृहपृष्ठ

अपडेट

ट्रेन्डिङ

भिडियो