फ्रान्स र स्पेनमा भीषण डढेलो, साढे दुई लाखभन्दा बढी विस्थापित

नेपाल रैबार
आइतवार , श्रावण १०, २०८३

फ्रान्स र स्पेनमा फैलिएको भीषण डढेलोका कारण दक्षिणी युरोपमा ठूलो मानवीय संकट उत्पन्न भएको छ । यस सातामात्रै डढेलोका कारण दुई लाख ५० हजारभन्दा बढी मानिस विस्थापित भएका छन् भने स्पेनको भ्यालेन्सिया प्रान्तमा एक जनाको मृत्यु भएको पुष्टि भएको छ । यो घटनासँग सम्बन्धित पहिलो मानवीय क्षति हो ।

फ्रान्सले डढेलो नियन्त्रणका लागि पहिलो पटक विशाल सैन्य ढुवानी विमान परिचालन गर्दै आगो फैलिन नदिने विशेष रसायन जंगलमाथि छरेको छ । साथै, राहत तथा उद्धार कार्यलाई प्राथमिकता दिन विश्वप्रसिद्ध साइकल प्रतियोगिता टुर डे फ्रान्सको अन्तिम चरण पनि छोट्याइएको छ ।

फ्रान्सको दक्षिण-पश्चिम क्षेत्रमा फैलिएको आगो नियन्त्रण गर्न विशेष रूपमा परिमार्जित ए चार हजार सैन्य विमानले कम उचाइबाट आगो रोक्ने रसायन छरिरहेको छ । जमिनमा हजारौँ दमकलकर्मी आगो नियन्त्रणमा खटिएका छन् ।

अधिकारीहरूले आगो मदिरा उत्पादनका लागि प्रसिद्ध बोर्डो सहरतर्फ फैलिन सक्ने चेतावनी दिएका छन् । फ्रान्सका गृहमन्त्री लरेन नुनेजले हावाको दिशा पश्चिमबाट पूर्वतर्फ बदलिन सक्ने भएकाले आगो बोर्डोनजिक पुग्ने जोखिम रहेको बताए ।

उनका अनुसार आगो नियन्त्रणका लागि खाल्डाखुल्डी खन्ने, विशेष रसायन प्रयोग गर्ने तथा अन्य सबै सम्भावित उपाय अपनाइएका छन् । आगो सहरबाट करिब ३० किलोमिटर पश्चिममा रहेको र रातभरि यसको तीव्रता केही घटेको जानकारी पनि उनले दिएका छन् ।

डढेलो नियन्त्रणमा सुरक्षा निकायलाई परिचालन गर्न आयोजकहरूले टुर डे फ्रान्सको अन्तिम तथा २१औँ चरणको दूरी १३३ किलोमिटरबाट घटाएर ८९ किलोमिटरमा सीमित गरेका छन् ।

पहिले प्रतियोगिता पेरिसको पश्चिमस्थित थोइरीबाट सुरु हुने तय भए पनि अब दौड सिधै पेरिस सहरभित्र हुनेछ । आयोजकका अनुसार प्रतियोगितामा खटिने सुरक्षाकर्मीमध्ये केहीलाई डढेलो प्रभावित क्षेत्रमा राहत तथा उद्धार कार्यमा पठाइनेछ ।

अधिकारीहरूले बोर्डो र डढेलोबीचका बस्तीहरू खाली गराउन आदेश दिएका छन् । पश्चिमी उपनगरसहित धेरै सहर, गाउँ र बस्तीका बासिन्दालाई सुरक्षित स्थानमा सारिएको छ ।

बोर्डो प्रशासनले हजारौँ मानिसलाई प्रदर्शनी केन्द्रमा अस्थायी रूपमा राखेको छ। आवश्यक परे त्यहाँ १० हजार जनासम्म बस्न सक्ने व्यवस्था मिलाइएको जनाइएको छ । बोर्डो विमानस्थल सञ्चालनमा रहे पनि बस र ट्राम सेवा भने अस्थायी रूपमा बन्द गरिएको छ। मोबाइल सन्देशमार्फत नागरिकलाई सुरक्षित स्थानमा जान निर्देशन दिइएको छ । फ्रान्सले गिरोन्द क्षेत्रमा एक हजार चार सयभन्दा बढी दमकलकर्मी परिचालन गरेको छ भने ल्यान्ड्स क्षेत्रमा थप सयौँ सुरक्षाकर्मी खटाइएको छ ।

विशेष सैन्य विमानसँगै कम्तीमा १८ अन्य विमान तथा हेलिकोप्टरले लगातार पानी र आगो रोक्ने रसायन छरिरहेका छन् । सरकारले राहत अभियानमा सैनिकसमेत परिचालन गरेको छ। विषाक्त धुवाँबाट नागरिकलाई जोगाउन १५ लाख अनुहार ढाक्ने सुरक्षात्मक मास्क पनि मगाइएको छ ।

विशेषज्ञहरूले असामान्य गर्मी र जलवायु परिवर्तनका कारण यस वर्ष डढेलो अत्यन्त तीव्र र विनाशकारी बनेको बताएका छन् । स्पेनका दमकलकर्मीका अनुसार आगो यति तीव्र गतिमा फैलियो कि धेरै स्थानमा त्यसको प्रत्यक्ष सामना गर्नसमेत सम्भव भएन। फ्रान्सको अटलान्टिक तटीय क्षेत्रमा रहेका पर्यटकीय स्थानबाट केही मानिसलाई डुङ्गामार्फत उद्धार गर्नुपरेको थियो । स्पेनले डढेलो नियन्त्रणका लागि दुई हजार ६ सय दमकलकर्मी, प्रहरी तथा आपत्कालीन सेवाका कर्मचारी परिचालन गरेको छ। उनीहरूलाई १९ वटा विमान र हेलिकोप्टरले सहयोग गरिरहेका छन्।

स्पेनका प्रधानमन्त्री पेड्रो सान्चेजका अनुसार यस वर्ष हालसम्म एक लाख ३० हजार हेक्टरभन्दा बढी वन क्षेत्र डढेलोबाट प्रभावित भइसकेको छ। पछिल्लो दशकमा वार्षिक औसत क्षति करिब एक लाख हेक्टर रहने गरेको थियो। शनिबार मौसममा केही सुधार आएपछि आगो नियन्त्रणमा केही सहज भएको अधिकारीहरूले बताएका छन्।

फ्रान्स र स्पेनलाई सहयोग गर्न इटाली, ग्रीस, नेदरल्यान्ड्स, पोर्चुगल, क्रोएसिया, चेक गणराज्य, स्विडेन, स्लोभाकिया, जर्मनी र स्विट्जरल्यान्डले आगो नियन्त्रणमा प्रयोग हुने विमान तथा हेलिकोप्टर उपलब्ध गराएका छन् वा परिचालन गर्ने तयारी गरेका छन् ।

अधिकारीहरूले अझै पनि आगो पूर्ण रूपमा नियन्त्रणमा नआएकाले आगामी केही दिन अत्यन्त चुनौतीपूर्ण रहने चेतावनी दिएका छन् ।

प्रतिक्रिया दिनुहोस्

भर्खरै

फ्रान्स र स्पेनमा भीषण डढेलो, साढे दुई लाखभन्दा बढी विस्थापित

विश्वकपका चर्चित गोलरक्षक भोजिन्हा चिलीको कोलो-कोलोमा अनुबन्धित

एउटै डाँडामा प्रकृतिको दुई रूप- एकातिर विनाश, अर्कोतिर सौन्दर्य

सञ्जय राईको डेब्यु निर्देशनमा ‘एक्का मिस्सी बादशाह’ घोषणा, मुख्य भूमिकामा साम्राज्ञी

कस्तो बन्यो सोमबार उद्घाटन गरिने नागढुंगा–सिस्ने खोला सुरुङ मार्ग ? (तस्बिरहरू)

भारतका शिक्षामन्त्री धर्मेन्द्र प्रधानले दिए राजीनामा

जर्मनीको मुख्य प्रशिक्षक बने जर्गेन क्लोप

भारत सरकार र ककरोच जनता पार्टीबीच वार्ता, शिक्षमन्त्रीको राजीनामा बटमलाइन

साउदीसँग आणविक सम्झौता, ट्रम्पले राखे इजरायल सम्बन्धको सर्त

सम्पादक

रमन बडैला

सूचना विभाग दर्ता नम्बर

१८१६/०७६-७७

+977-9869602660

[email protected]

गृहपृष्ठ

अपडेट

ट्रेन्डिङ

भिडियो

विश्वकपका चर्चित गोलरक्षक भोजिन्हा चिलीको कोलो-कोलोमा अनुबन्धित

एउटै डाँडामा प्रकृतिको दुई रूप- एकातिर विनाश, अर्कोतिर सौन्दर्य

सञ्जय राईको डेब्यु निर्देशनमा ‘एक्का मिस्सी बादशाह’ घोषणा, मुख्य भूमिकामा साम्राज्ञी

कस्तो बन्यो सोमबार उद्घाटन गरिने नागढुंगा–सिस्ने खोला सुरुङ मार्ग ? (तस्बिरहरू)

बसको ठक्करबाट मोटरसाइकलमा सवार दुई जनाकै मृत्यु

फ्रान्स र स्पेनमा भीषण डढेलो, साढे दुई लाखभन्दा बढी विस्थापित

सुन नयाँ उचाइमा, चाँदी पनि महँगियो

कुलमानको सरकारलाई आग्रह : उद्योगको बक्यौता तत्काल असुल गरियोस्

२४ घण्टामा १,२०९ सवारी चालक कारबाहीमा

'जलनका घटना नयाँ होइनन्, हाम्रो चासो नयाँ हो'

हरिपूर्वामा पोषणमैत्री विद्यालय निर्माणका लागि विद्यालय स्वास्थ्य तथा पोषण सम्मेलन सम्पन्न

उसको पढ्ने रहर

ककरोच जनता पार्टीको 'संसद मार्च' का क्रममा दिल्लीमा तनाव

विश्वकपको उपाधिका बलिया दाबेदार फ्रान्स र स्पेनबीच सेमिफाइनलमा भिडन्त

हरिपूर्वामा बालमैत्री स्थानीय शासनसम्बन्धी दुईदिने तालिम सम्पन्न

फ्रान्स र स्पेनमा भीषण डढेलो, साढे दुई लाखभन्दा बढी विस्थापित

276

276

सम्पादक

रमन बडैला

सूचना विभाग दर्ता नम्बर

१८१६/०७६-७७

+977-9869602660

सर्च गर्नुहोस्

गृहपृष्ठ

अपडेट

ट्रेन्डिङ

भिडियो