‘पुजार सार्की’ निर्माताको दोस्रो चलचित्र ‘फ्र्याक्चर’को छायाङ्कन सकियो, हलिउडसँग सहकार्य

नेपाल रैबार
शनिवार , कार्तिक २४, २०८१

‘पुजार सार्की’ निर्माताको दोस्रो चलचित्र ‘फ्र्याक्चर’को छायाङ्कन सकियो, हलिउडसँग सहकार्य

पहिलो चलचित्र ‘पुजार सार्की’ निर्माण गरी सफलता हासिल गरेको चलचित्र निर्माण कम्पनी किङ्डम नेटवर्कले आफ्नो दोस्रो चलचित्र ’फ्र्याक्चर’ निर्माण गरेको छ । अमेरिकाका प्रसिद्ध निर्देशक रायन ट्राभिसले निर्देशन गरेको यो चलचित्र पूर्ण रूपमा अङ्ग्रेजी भाषामा रहेको छ ।

नेपालका अभिनेता आर्यन सिग्देलसँगै हलिउड अभिनेता ट्रेन्टन रोस्टेड्टको प्रमुख अभिनय रहेको छ । यस चलचित्रमा बुद्धि तामाङ, आशिष पुरुष, अनिता पण्डित, गुणराज श्रेष्ठ लगायत अन्य नेपाली कलाकारहरूले पनि काम गरेका छन् ।

Aaryan and Trenton Rostedt_Fracture Shooting.jpeg

किङ्डम नेटवर्क हालै मात्र संयुक्त राज्य अमेरिकामा समेत स्थापना गरी यो चलचित्र निर्माण गरिएको निर्माता सुवास भुसालले बताएका छन् । भुसालले यस चलचित्रले नेपाली चलचित्र उद्योगलाई अन्तर्राष्ट्रिय चलचित्रकर्मी, अन्तर्राष्ट्रिय बजार र दर्शकसँग जोड्ने नयाँ प्रयासको प्रतिनिधित्व गर्ने जनाए ।

यस चलचित्रका अभिनेता ट्रेन्टन हलिउड अभिनेता हुन् । उनले ‘हलिउड किल्स,’‘अन्डर द वेस्टर्न सन,’ ‘सिरोनिया,’ ’द रेड, ब्ल्याक एन्ड ब्लोन्डः गड सेभ,’ ‘बिटविन किंग्स एन्ड क्विन्स,’ ‘लस एन्सिनोस’ लगायतका चलचित्रहरू र दर्जनौँ टेलिभिजन शृङ्खलामा अभिनय गरेका छन् ।

Fracture shoot.jpeg

यस चलचित्रको निर्माणमा क्रिश बेरुटी, हिमाल आरोहण विशेषज्ञ एन्ड्रयु ह्युज, दुई पटक एमी पुरस्कार विजेता निर्माता गर्रेट म्याडिसन लगायतको पनि सहभागिता रहेको छ । चलचित्रको लेखन यसका निर्माता क्रिश बेरुटीले नै गरेका छन् । चलचित्रका सिनेमाटोग्राफर डकोटा डियल हुन् । उनले ‘आर्मी अफ द डेड,’ ‘नेक्स्ट अफ किन,’ ‘एनएफएल ३६०ः द गिफ्ट अफ गाबा’ लगायतका चलचित्रको छायाङ्कन गरेका छन् ।

यो चलचित्रको प्रायः दृश्यहरू नेपालमा छायाङ्कन गरिएको छ । चलचित्रका करिब ७० प्रतिशत दृश्यहरू काठमाडौं, ललितपुर, भक्तपुर, पनौती, लुक्ला तथा सगरमाथा बेस क्याम्पसम्म पुगी छायाङ्कन गरिएको छ ।

‘फ्र्याक्चर’को कथा एक जना अमेरिकी सैनिक ज्याक स्टेन्टन नामक पात्रको वरिपरि घुम्छ, जसले आफ्नो नेपालमा हराएको साथीलाई बचाउन नेपालको सगरमाथा क्षेत्रको खतरनाक यात्रा गर्छ । यस चलचित्रमा मानवीय साहस र सङ्घर्षलाई पर्दामा जीवित रूपमा उतारिएको निर्देशक ट्राभिसले जनाए ।

यो चलचित्र कहिले रिलिज गर्ने भन्ने विषयमा भने अहिले नै तय नभएको निर्माता भुसालले बताए । यद्यपि, विश्वव्यापी रिलिजको लागि छलफल भइरहेको उनले बताए। नेपालमा मनोज जोशी प्रोडक्सन कन्ट्रोलरको काम गरेका छन् भने विकास सुवेदी लाइन प्रोड्युसर हुन् ।
निर्देशक रायन अनुभवी चलचित्र निर्देशक, निर्माता र छायाकार हुन्, जसले ’एनएफएल ३६०’ जस्ता प्रोजेक्टहरूमा एमि पुरस्कार जितेका छन् । उनले यसअघि फिचर चलचित्र ‘गेम थेरापी’ निर्देशन गरेका थिए भने ‘केभिन हार्ट’सँगको ‘हार्ट अफ इट अल’ र ईएसपीएनको हिप हपमा आधारित डकुमेन्ट्री ‘द क्रसओभर’ जस्ता प्रोजेक्टहरूको निर्देशन गरेका छन् । उनले ‘नाइकी,’ ‘अडी,’ र ‘फियाट’ जस्ता ब्रान्डहरूको लागि पुरस्कार विजेता विज्ञापनहरू पनि निर्माण गरेका छन् ।

Fracture Shooting 1 (1).jpeg

यस चलचित्रका लेखक समेत रहेका निर्माता क्रिस बेरुटी एमी तथा स्ट्रिमी मनोनीत लेखक तथा निर्माता हुन् । उनले १४ देशका ८ भाषामा विभिन्न प्रोजेक्टहरू निर्देशन गरेका छन् भने युनिसेफ र नेशनल जियोग्राफिक जस्ता संस्थाहरूको लागि ६५ भन्दा बढी देशको यात्रा गरिसकेका छन् । बेरुटीले ‘द एलेन डिजेनेरस शो,’ ‘जिमी किमेल लाइभ,’ ‘द टुनाइट शो’ जस्ता शो हरुमा काम गरेका छन् भने उनले ‘डेडपूल’का निर्माता जोनाथन कोम्याक मार्टिनको चलचित्र ‘डु नट डिस्टर्ब’ निर्देशन गरेका छन् । साथै, उनले प्यारामाउन्ट पिक्चर्सको ‘मार्गो’ नामक हरर चलचित्र लेखेका थिए, जुन हालै रिलिज भएको थियो ।

अर्का निर्माता गर्रेट म्याडिसनले १४ पटक सगरमाथा आरोहण गरेका छन् । गर्रेटले विश्वकै कठिन र खतरनाक मानिने ‘के टु’ हिमालको पहिलो सफल ’गाइडेड’ आरोहण पनि नेतृत्व गरेका थिए । गर्रेट, हलिउडका एभरेस्ट र अन्य फिल्म निर्माणहरूको लागि नियमित रूपमा परामर्शदाताको काम पनि गर्दै आएका छन् । उनले विभिन्न उच्च–उचाइ आरोहण कीर्तिमानहरू राखेका छन्, जसमध्ये ल्होत्से हिमाल एकै दिनमा पाँच पटक आरोहण गर्ने एकमात्र व्यक्ति हुन् ।

निर्माता एन्ड्र्यू ह्युजले सेभेन समिट्स, अन्टार्कटिका ट्राइफेक्टा, ७ ज्वालामुखी शिखरहरू मध्ये ६, दुर्लभ एक्सप्लोरर्स ग्रान्ड स्लाम, उत्तर ध्रुवीय अनुसन्धान अभियान, थ्री पोल्स च्यालेन्ज, र थप विश्व कीर्तिमानहरू हासिल गरेका छन् ।

हालै मात्र छायाङ्कन सम्पन्न गरी अमेरिकी टिम फर्किसकेको छ । हालै अमेरिका फर्किनु अगाडि चलचित्र विकास बोर्ड अध्यक्ष दिनेश डिसीले अमेरिकी टिमलाई बिदाइ गरेका थिए । बोर्डको तर्फबाट छायाङ्कनको लागि लोकेसन गाइड पुस्तक प्रदान गर्दै नेपाली ढाका टोपी लगाई सम्मान समेत गरिएको थियो । सो क्रममा अध्यक्ष डिसीले नेपाली प्रोडक्सन कम्पनीसँग हलिउडमा काम गरिरहेका अमेरिकी चलचित्रकर्मीले चलचित्र बनाउनु आफैंमा सुन्दर रहेको बताए ।

गत जेठ १० गते रिलिज भएको किङडम नेटवर्कको पहिलो चलचित्र ’पुजार सार्की’ले नेपालमा मात्र करिब १० करोडको व्यापार गरेको थियो भने विश्वव्यापी रूपमा रहेका नेपाली समुदायबीच रिलिज भएको थियो ।

प्रतिक्रिया दिनुहोस्

भर्खरै

‘पुजार सार्की’ निर्माताको दोस्रो चलचित्र ‘फ्र्याक्चर’को छायाङ्कन सकियो, हलिउडसँग सहकार्य

साउन १ देखि सर्वोच्च अदालतमा डेढ साता नियमित सुनुवाइ प्रभावित हुने

नेपालको सानदार विजयी सुरुआत

कीर्तिपुरको होल्डिङ सेन्टरमा पुगेका जेनजी अभियन्ता माजिद अन्सारीसहित केही पक्राउ

बझाङमा जिप दुर्घटना, तीन जनाको मृत्यु

कस्तो फिल्म हो ‘गौँथली’?

गणेश नेपालीको निधनपछि कलाकारहरू आक्रोशित : राज्यले हत्या गर्‍यो

महेश र अञ्जनालाई लिएर शर्मिलाले घोषणा गरिन् ‘आशा’

ट्रेलर सार्वजनिकपछि चर्चामा ‘गौँथली’, शिक्षाबाट वञ्चित बालिकाको कथा

सम्पादक

रमन बडैला

सूचना विभाग दर्ता नम्बर

१८१६/०७६-७७

+977-9869602660

[email protected]

गृहपृष्ठ

अपडेट

ट्रेन्डिङ

भिडियो

साउन १ देखि सर्वोच्च अदालतमा डेढ साता नियमित सुनुवाइ प्रभावित हुने

नेपालको सानदार विजयी सुरुआत

कीर्तिपुरको होल्डिङ सेन्टरमा पुगेका जेनजी अभियन्ता माजिद अन्सारीसहित केही पक्राउ

बझाङमा जिप दुर्घटना, तीन जनाको मृत्यु

कस्तो फिल्म हो ‘गौँथली’?

आत्मदाहको प्रयास गरेका अश्विनको मृत्यु

धनुषामा उपमेयर सवार सरकारी गाडी र एम्बुलेन्स ठोक्किँदा ८ जना घाइते

टोयोटाको आधिकारिक डिलर अटोवेज पोखराको सेवा विस्तार, चितवनमा अत्याधुनिक ३एस सुविधा

बुद्धनगर आत्मदाह प्रयास : उपचाररत अश्विन राउतको परिवार भन्छ, ‘भ्रामक समाचारले थप पीडा दियो’

मन्त्री प्रतिभा रावल, मधेशका मुख्यमन्त्री र सांसद रहबर अन्सारीबीच छलफल

८० प्रतिशतभन्दा बढी अनौपचारिक क्षेत्रमा कार्यरत श्रमिकहरूको सम्‍बोधनबिना देश समृद्ध हुनैसक्‍दैन

चर्को ट्राफिक जरिवाना लगाउने प्रस्तावको अन्तर्राष्ट्रिय स्तरमै विरोध

बाल समृद्धि र एकीकृत विकासका लागि विद्यालय–स्थानीय तह संवाद सम्पन्न, विद्यार्थीले उठाए विद्यालयका विविध समस्या

पेट्रोल, डिजेल र एलपी ग्यासको मूल्य घट्यो, नयाँ मूल्य कति ?

ग्राहकमैत्री डिम्याट र आस्बा सेवामा नयाँ क्रान्ति: रोजिना तिवारी

‘पुजार सार्की’ निर्माताको दोस्रो चलचित्र ‘फ्र्याक्चर’को छायाङ्कन सकियो, हलिउडसँग सहकार्य

8.2K

8.2K

सम्पादक

रमन बडैला

सूचना विभाग दर्ता नम्बर

१८१६/०७६-७७

+977-9869602660

सर्च गर्नुहोस्

गृहपृष्ठ

अपडेट

ट्रेन्डिङ

भिडियो