विश्वकपमा सेमिफाइनलको समीकरण पुरा

नेपाल रैबार
आइतवार , आषाढ २८, २०८३

जारी फिफा विश्वकपको सेमिफाइनल समीकरण पूरा भएको छ । अब उपाधि नजिक पुग्न फ्रान्सले स्पेनसँग तथा इङ्ग्ल्यान्डले अर्जेन्टिनासँग प्रतिस्पर्धा गर्नेछन् ।

पहिलो सेमिफाइनलमा फ्रान्स र स्पेन डलास रंगशालामा आमनेसामने हुनेछन् भने दोस्रो सेमिफाइनलमा इङ्ग्ल्यान्ड र अर्जेन्टिनाबीच एटलान्टा रंगशालामा प्रतिस्पर्धा हुनेछ ।

क्वाटरफाइनलमा फ्रान्सले मोरक्कोलाई र स्पेनले बेल्जियमलाई पराजित गरेर सेमिफाइनलमा पुगेका हुन् । फ्रान्स र स्पेनबीच यो ३६औँ भेट हुनेछ । दुवै टोली विश्वकपको फाइनल प्रवेशका लागि प्रतिस्पर्धा गर्न लागेका हुन् । हालका वर्षहरूमा युरोपेली प्रतियोगितामा फ्रान्सले स्पेनलाई लगातार निराश बनाएको छ । फ्रान्सले सन् २०२४ को युरोपेली च्याम्पियनसिपको सेमिफाइनलमा स्पेनलाई २-१ ले पराजित गरेको थियो । त्यसपछि सन् २०२५ को राष्ट्र लिगमा पनि फ्रान्सले स्पेनलाई ५-४ ले हराएको थियो ।

यसपटक स्पेन ती हारको बदला लिँदै विश्वकपको फाइनलमा पुग्ने लक्ष्यमा हुनेछ । विश्वकपमा यी दुई टोलीबीच यसअघि एकपटक मात्र भेट भएको थियो । सन् २००६ को विश्वकपको नकआउट चरणमा जिनेदिन जिदानको नेतृत्वमा रहेको फ्रान्सले स्पेनलाई ३-१ ले पराजित गरेको थियो । युरोपेली च्याम्पियनसिपमा भने दुवै टोली पाँचपटक आमनेसामने भएका छन् । सन् १९८४ को फाइनलमा फ्रान्सले घरेलु मैदानमा स्पेनलाई २-० ले हराउँदै उपाधि जितेको थियो । सन् २०१२ को क्वार्टरफाइनलमा स्पेनले २-० को जित निकालेको थियो भने सन् १९९६ मा दुवै टोली १-१ को बराबरीमा रोकिएका थिए । सन् २००० को क्वार्टरफाइनलमा भने फ्रान्स २-१ ले विजयी भएको थियो ।

फ्रान्स यस विश्वकपमा स्विडेन, पाराग्वे र मोरक्कोलाई हराउँदै अन्तिम चारमा पुगेको हो । युरोपेली च्याम्पियन स्पेनले अस्ट्रिया, पोर्चुगल र बेल्जियमलाई पराजित गर्दै सेमिफाइनल यात्रा तय गरेको छ । यस खेलमा फ्रान्सका स्टार फरवार्ड किलियन एम्बाप्पे र स्पेनका युवा प्रतिभा लामिन यामालबीचको प्रतिस्पर्धा पनि विशेष आकर्षणको केन्द्र रहने अपेक्षा गरिएको छ ।

दोस्रो सेमिफाइनलमा इङ्ग्ल्यान्ड र अर्जेन्टिना आमनेसामने हुनेछन् । विश्वकपमा यी दुई टोलीबीचको प्रतिस्पर्धा सधैँ इतिहास, विवाद र तीव्र प्रतिस्पर्धाका कारण विशेष मानिन्छ ।

यी दुई राष्ट्रबीचको सबैभन्दा चर्चित भेट सन् १९८६ को विश्वकपमा भएको थियो । क्वार्टरफाइनलमा अर्जेन्टिनाले डिएगो म्याराडोनाको दुई ऐतिहासिक गोलको मद्दतमा इङ्ग्ल्यान्डलाई पराजित गरेको थियो । तीमध्ये एउटा ‘ईश्वरको हात’ नामले चर्चित गोल थियो भने अर्को गोललाई विश्व फुटबल इतिहासकै उत्कृष्ट गोलमध्ये एक मानिन्छ । त्यसको चार वर्षपछि सन् १९९० को विश्वकपको क्वार्टरफाइनलमा पनि दुवै टोली आमनेसामने भएका थिए । त्यसबेला अर्जेन्टिनाले पेनाल्टी सुटआउटमार्फत जित निकाल्दै सेमिफाइनलमा स्थान बनाएको थियो ।

विश्व फुटबलका दुई शक्तिशाली टोलीबीचको यो प्रतिस्पर्धा केवल खेलमा सीमित नरही राष्ट्रिय गौरव, प्रतिष्ठा र ऐतिहासिक प्रतिस्पर्धासँग पनि जोडिएको मानिन्छ। त्यसैले यसपटकको सेमिफाइनल पनि विश्वकपकै सबैभन्दा प्रतिक्षित खेलमध्ये एक बनेको छ।

प्रतिक्रिया दिनुहोस्

भर्खरै

विश्वकपमा सेमिफाइनलको समीकरण पुरा

नबिल बैंकको ४२ वर्षे गौरवमय यात्रा : अर्थतन्त्रको बलियो खम्बा बन्दै ‘बैंकिङ एन्ड बियोन्ड’ को नयाँ अध्याय

साना र सावित्री चम्किँदा नेपाल विजयी, सिङ्गापुरलाई १५१ रनले हरायो

वनफूलले चिटिक्क ढोरपाटन, घुम्न आउनेको भीड

सुनको मूल्य बढ्दा, चाँदीको घट्यो, कतिमा हुँदैछ कारोबार ?

साना र सावित्री चम्किँदा नेपाल विजयी, सिङ्गापुरलाई १५१ रनले हरायो

स्विजरल्याण्डलाई पराजित गर्दै अर्जेन्टिना विश्वकपको सेमिफाइनलमा

बेलिङ्घमको दुई गोलमा नर्वेलाई हराउदै इङल्याण्ड विश्वकपको सेमिफाइनलमा

इङल्याण्डविरुद्धको टी-२० सिरिजमा भारत ४-० ले पराजित

सम्पादक

रमन बडैला

सूचना विभाग दर्ता नम्बर

१८१६/०७६-७७

+977-9869602660

[email protected]

गृहपृष्ठ

अपडेट

ट्रेन्डिङ

भिडियो

नबिल बैंकको ४२ वर्षे गौरवमय यात्रा : अर्थतन्त्रको बलियो खम्बा बन्दै ‘बैंकिङ एन्ड बियोन्ड’ को नयाँ अध्याय

साना र सावित्री चम्किँदा नेपाल विजयी, सिङ्गापुरलाई १५१ रनले हरायो

वनफूलले चिटिक्क ढोरपाटन, घुम्न आउनेको भीड

सुनको मूल्य बढ्दा, चाँदीको घट्यो, कतिमा हुँदैछ कारोबार ?

मन्त्री श्रेष्ठको सक्रियता : मार्कीचोक–भरतपुर २२० केभी प्रसारण लाइनबाट विद्युत् प्रवाह सुरु

औषधिमा सुशासन बोर्ड परिवर्तनले होइन, नीतिले आउँछ : प्रदीप पौडेल

चिया खान निस्किएका व्यक्ति १७ दिनदेखि बेपत्ता

विश्वकपमा सेमिफाइनलको समीकरण पुरा

स्विजरल्याण्डलाई पराजित गर्दै अर्जेन्टिना विश्वकपको सेमिफाइनलमा

मन्त्री प्रतिभा रावल, मधेशका मुख्यमन्त्री र सांसद रहबर अन्सारीबीच छलफल

८० प्रतिशतभन्दा बढी अनौपचारिक क्षेत्रमा कार्यरत श्रमिकहरूको सम्‍बोधनबिना देश समृद्ध हुनैसक्‍दैन

चर्को ट्राफिक जरिवाना लगाउने प्रस्तावको अन्तर्राष्ट्रिय स्तरमै विरोध

बाल समृद्धि र एकीकृत विकासका लागि विद्यालय–स्थानीय तह संवाद सम्पन्न, विद्यार्थीले उठाए विद्यालयका विविध समस्या

पेट्रोल, डिजेल र एलपी ग्यासको मूल्य घट्यो, नयाँ मूल्य कति ?

ग्राहकमैत्री डिम्याट र आस्बा सेवामा नयाँ क्रान्ति: रोजिना तिवारी

विश्वकपमा सेमिफाइनलको समीकरण पुरा

551

551

सम्पादक

रमन बडैला

सूचना विभाग दर्ता नम्बर

१८१६/०७६-७७

+977-9869602660

सर्च गर्नुहोस्

गृहपृष्ठ

अपडेट

ट्रेन्डिङ

भिडियो