 (1).gif "machhapuchhre bank")
नेकपा एमालेका स्थायी कमिटी सदस्य महेश बस्नेतले उपाध्याक्ष अष्टलक्ष्मी शाक्यलाई जवाफ दिदै नेतृत्वको विरोध गर्ने नेताहरुको हैसियत महाधिवेशनमा देखिने बताएका छन् ।
नेता बस्नेतले शाक्यले केपी ओलीको नेतृत्वमा चुनावमा जान नसकिने बताएको विषयको जवाफ दिदै उनले आगामी मङ्सिर २७, २८, २९ गते पोखरामा हुने महाधिवेशनले अवश्य नै छिनोफानो गर्ने बताएका हुन् ।
उनले एमालेभित्र अहिले एउटा प्रश्न जबरजस्त उब्जिएको बताउदै आगामी निर्वाचनमा केपी शर्मा ओलीको व्यक्तित्व पार्टीका लागि उपयुक्त हो कि अष्टलक्ष्मी शाक्य, विद्या भण्डारी, युवराज ज्ञवली, ईश्वर पोखरेल वा योगेश भट्टराईको अनुहार लिएर अघि बढ्दा राम्रो होला ? भन्ने प्रश्न गरेका छन् ।
उनले महाधिवेशनमा आफ्नो वैकल्पिक क्षमता देखाउन नसक्ने खाली नेतृत्वको विरोध गर्ने यो पंक्तिको नेताहरूको हैसियत के हुने हो अवस्य देखिने बताएका छन् ।
नेता बस्नेतले परिस्थिति प्रतिकूल बनेको बेला मौका हेरेर अध्यक्ष केपी शर्मा ओलीलाई विस्थापित गर्ने, पार्टी बदनाम गराउने र आफ्ना लाभका प्राप्ति तर्फ लाग्ने कराउन थालेको भन्दै आम कार्यकर्ताले विवेकपूर्ण फैसला गर्ने समय आएको बताएका छन् ।
© 2026 All right reserved to nepalraibar.com
Design & Developed By 
चर्चित अपडेट
ताजा
