.gif)
आज १९ चैत्र २०८१ मंगलवारको राशिफल
मेष
प्रतिष्ठित कार्य गर्ने समय रहेको छ। आफन्तहरूको माझमा रमाइलो समय व्यतीत हुनेछ। विद्यार्थीहरूको बौद्धिक क्षेत्रमा विकास हुनेछ। स्वास्थ्य अनुकूल रहनेछ। आजको शुभ रंग रातो हो भने शुभ अंक ७ रहेको छ।
मिथुन
धैर्य र पराक्रम वृद्धि हुनेछ। आफन्तजनहरूको सहयोग मिल्नेछ। आम्दानीका नयाँ स्रोतहरू बढ्नेछन्। कार्यक्षेत्रमा श्रमको उचित मूल्यांकन मिल्नेछ। आजको शुभ रंग हरियो हो भने शुभ अंक ६ रहेको छ।
सिंह
कार्यक्षेत्रमा गोप्य सूचनाहरू सार्वजनिक नगर्नुहोला। सन्तानको मन प्रसन्न रहनेछ। विद्यार्थीहरूको अध्ययन अध्यापनमा मन लाग्नेछ। व्यापार व्यवसायमा राम्रो लाभ आर्जन गर्न सकिनेछ। आजको शुभ रंग गुलाबी हो भने शुभ अंक ४ रहेको छ।
तुला
प्रेम र मित्रताको बन्धन कसिनेछ। राजनीतिक क्षेत्रमा प्रभाव बढ्नेछ। नोकरी वा पेशामा अधिकारी वर्गहरूबाट प्रशंसा पाइएला। जीवनसाथीको स्वास्थ्यलाई लिएर चिन्ता रहनेछ। आजको शुभ रंग सेतो हो भने शुभ अंक ६ रहेको छ।
धनु
सामान्य कार्यमा पनि धेरै धन वा श्रम खर्च गर्नुपर्ला। प्रतिकूल परिस्थिति भएता पनि लक्ष्यको प्राप्ति हुनेछ। भाग्यको साथ मिल्नेछ। धार्मिक र सांस्कृतिक कार्यक्रममा सहभागी भइएला। आजको शुभ रंग पहेलो हो भने शुभ अंक ४ रहेको छ।
कुम्भ
नोकरी वा पेशामा सहयोगीहरूले राम्रो सहयोग दिनेछन्। कार्यक्षेत्रमा नयाँ काम हात लाग्नाले आयस्रोत बढ्नेछ। राजकीय वा प्रशासनिक मामिलाहरू सुल्झिनेछन्। आजको शुभ रंग खैरो हो भने शुभ अंक ६ रहेको छ।
बृष
कार्यक्षेत्रमा आएका बाधाहरूलाई पन्छ्याउँदै लगनशीलताले अगाडि बढ्नुहोस् सफलता मिल्नेछ। यात्रा गर्दा सावधान रहनुहोला। अनावश्यक किनमेल गर्दा खर्चमा वृद्धि हुनेछ। आजको शुभ रंग सेतो हो भने शुभ अंक २ रहेको छ।
कर्कट
आफन्तहरूको माझमा स्वादिष्ट भोजनको आनन्द मिल्नेछ। दिगो कार्यको जग बसाउने समय रहेको छ। लक्ष्य प्राप्तिमा आलस्यलाई हावि हुन नदिनुहोस्। व्यापार व्यवसायमा लाभ रहनेछ। आजको शुभ रंग खैरो हो भने शुभ अंक ३ रहेको छ।
कन्या
सुन्दर पहिरनले व्यक्तित्वमा निखार आउनेछ। कार्यक्षेमा शुभचिन्तकहरूको साथ मिल्नेछ। स्वास्थ्य कमजोर रहनाले सोचेको उपलब्धि पाउन संघर्ष गर्नुपर्ला। आजको शुभ रंग हरियो हो भने शुभ अंक ३ रहेको छ।
बृश्चिक
अवसरवादीहरूले अवसरको फाइदा उठाउन चेष्टा गर्लान्। आज गरेको मेहनतले भविष्यमा नाम र प्रतिष्ठा दिलाउनेछ। स्वास्थ्य प्रतिकूल रहनाले खानपानमा सजगता अपनाउनुहोस्। आजको शुभ रंग रातो हो भने शुभ अंक ८ रहेको छ।
मकर
साझेदारी व्यापारबाट लाभ आर्जन गर्न सकिनेछ। सरकारी नोकरी वा पेशामा पदको दुरुपयोग नगर्नुहोला। व्यापारिक अनुबन्धहरू लाभदायी रहनेछन्। आजको शुभ रंग हरियो हो भने शुभ अंक ४ रहेको छ।
मीन
सामूहिक कार्यमा सबैको सल्लाह लिनुहोला। बोलीको भरमा कार्य सिद्ध गर्न सकिनेछ। लोभमा आएर गलत निर्णयहरू नलिनुहोला। आजको शुभ रंग सुन्तला हो भने शुभ अंक ९ रहेको छ।
.jpeg)
.gif)
