प्रमुख प्रतिपक्षी नेपाली कांग्रेसले उपप्रधानमन्त्री तथा गृहमन्त्री रवि लामिछानेले संसदमा दिएको अभिव्यक्तिबारे प्रधानमन्त्री पुष्पकमल दाहाल ‘प्रचण्ड’ ले जवाफ दिनुपर्ने माग गरेको छ ।
आज शुक्रबारको संसद बैठकमा नेपाली कांग्रेसका प्रमुख सचेतक रमेश लेखकले गृहमन्त्री रवि लामिछानेले गम्भीर अभिव्यक्ति दिएको भन्दै त्यसको जवाफ दिनुपर्ने बताए । संसदमा छलफल चलिरहँदा मन्त्रीहरू अनुपस्थित रहेको भन्दै लेखकले त्यसबारे सभामुखले रुलिङ गर्नुपर्ने बताए । त्यस्तै प्रधानमन्त्री प्रचण्डको भारत भ्रमण र राष्ट्रपतिको विदेश भ्रमणका बारेमा पनि संसदमा जानकारी दिइनुपर्ने लेखकको भनाइ छ । उनले प्रधानमन्त्रीले सदनलाई बिर्सेको भन्दै आलोचना समेत गरे ।
उनले भने, ‘प्रधानमन्त्री भारत भ्रमणबाट फर्केको पनि एक साता भइसकेको छ । प्रतिपक्ष दल धैर्यतापूर्वक कुरेर बसेका थियौं भारतको भ्रमणबारे सदनमा आएर जानकारी गराउनु होला भनेर । पाँच दिनसम्म यहाँ आउन सक्नु भएन ।’ उनले प्रधानमन्त्री देश बाहिर गएको कुरा अखबारबाट थाहा पाउनु पर्ने दुर्भाग्य भएको बताए । प्रधानमन्त्रीले सदनको न्यूनतम गरिमा नराखेको उनले सदनदेखि डराएर भाग्न खोजेको आरोप लगाए ।
© 2026 All right reserved to nepalraibar.com
Design & Developed By 
चर्चित अपडेट
ताजा
