 (1).gif "machhapuchhre bank")
नेपाली कांग्रेस दमक नगर सभापति प्रकाश प्रसाईंले नेपाली कांग्रेसको क्रियाशील सदस्यता तथा नगर सभापतिको पद परित्याग गरेका छन्।
आइतबार सार्वजनिक रूपमा जारी गरेको घोषणामा प्रसाईंले आज माघ ६ गतेदेखि नेपाली कांग्रेससँगको औपचारिक सम्बन्ध अन्त्य गर्दै अब राष्ट्रिय स्वतन्त्र पार्टी रास्वपाको चुनावी अभियानमा सक्रिय रहने जनाएका छन् । उनले सामाजिक सञ्जाल फेसबुकमार्फत अब आफ्नो राजनीतिक यात्रा पद, कुर्सी वा झण्डाको नभई परिवर्तनको यात्राका रूपमा अघि बढ्ने स्पष्ट पारेका छन्।
प्रसाईंले आगामी प्रतिनिधिसभा निर्वाचनमा आफ्नो निर्वाचन क्षेत्र झापा–५ बाट रास्वपा उम्मेदवार बालेन शाहको चुनावी अभियानमा सक्रिय रहने प्रतिबद्धता व्यक्त गरेका छन्।
आफ्नो सामाजिक–राजनीतिक यात्रामा सहयोग गर्ने नेपाली कांग्रेसका नेतृत्व, कार्यकर्ता, क्रियाशील सदस्य, शुभेच्छुक तथा आम नागरिकप्रति उनले हार्दिक आभारसमेत प्रकट गरेका छन्।
© 2026 All right reserved to nepalraibar.com
Design & Developed By 
चर्चित अपडेट
ताजा
