वृत्तचित्र ‘दिमाग घोच्ने मान्छे’ आजदेखि प्रदर्शन

नेपाल रैबार
शुक्रवार , पौष २५, २०८२

वृत्तचित्र ‘दिमाग घोच्ने मान्छे’ आजदेखि प्रदर्शन

विवेकशील नेपाली दलका संस्थापक स्वर्गीय उज्ज्वल थापाका बारेमा तयार गरिएको वृत्तचित्र ‘दिमाग घोच्ने मान्छे’ आजदेखि सार्वजनिक प्रदर्शन भएको छ ।

उज्ज्वल थापा फाउन्डेसनले तयार गरेको उक्त वृतचित्रमा स्व थापाले राष्ट्र निर्माणका लागि राजनीतिक, सामाजिक, आर्थिक पक्षमा गरेका योगदान, परिकल्पना, अभियान र युवा नेतृत्वको भूमिकालाई समावेश गरिएको छ । स्व थापाका शुभेच्छुकहरूबाट रकम सङ्कलन गरेर तयार गरिएको उक्त वृत्तचित्रलाई सुदीप भाजुले निर्देशन गरेको छ । निर्देशक भाजुले वृतचित्र सुरू गर्दा र सकिनेबेलासम्ममा स्व थापाको जीवनीले आफूलाई प्रभाव पारेको बताए।

“वृत्तचित्र सुरु गर्दा सामान्य मान्छेको असामान्य यात्रा भनेर सुरुआत गरेका थियौँ, तर उज्ज्वल दाइले गरेको कार्य कुनै सामान्य मान्छेले गर्न सक्दैन, उनको भौतिक शरीर हामीसँग नभए पनि उनको विचारले अझै हाम्रो दिमाग घोचिरहेको छ, यो नै उनको सफलता हो, यसमा हामीले उज्वल दाईलाई नजिकबाट चिन्ने र बुझ्नेको भनाइ समेट्ने प्रयास गरेका छौँ”, निर्देशक भाजुले भने ।

आइटी उद्यमी, सामाजिक अभियन्ता हुँदै विवेकशील नेपाली दलको नामबाट राजनीति यात्रा सुरुआत गरेका स्व थापाको प्राथमिकताको पहिलो नम्बरमा सधैँ देश नै रहेको उनकी श्रीमती एरिका अधिकारीले बताए । “आफ्नो परिवारलाई दोस्रो नम्बरमा राख्ने उज्ज्वलले देशलाई धेरै माया गर्थ्याे, उनले आफ्नो कमाइ नै ‘सोसल क्यापिटल’ रहेको बताउथ्याे, मैले त्यो उहाँ बिरामी हुँदा अस्पतालमा उपचारका लागि र यो वृत्तचित्र निर्माण गर्न स्वःस्फूर्त रुपमा आर्थिक सहयोग सङ्कलन भएको देखेर बुझेँ”, उनको विचारलाई अपनाएर केही गर्नसके मात्र पनि उनलाई शान्ति मिल्नेछ”, अधिकारीले भने।

‘आन्टरप्रेनर्स’ फर नेपाल एवं वर्डप्रेस नेपाल कम्युनिटीका संस्थापकसमेत रहनुभएका स्व थापा स्याङ्जाको सामान्य परिवारमा जन्मिए तापनि मल्टीमिडियामा स्नातक गरेर चर्चित सर्च इञ्जिन याहु डटकमसम्म पुगेको थियो । आइटी उद्यमशीलता सुरू गरेर नेपाली राजनीतिमा होमिएका थापालाई कोरोना र निमोनियाले च्यापेपछि २०७८ जेठमा निधन भएको थियो । वृत्तचित्र ‘दिमाग घोच्ने मान्छे’ मा उनको बाल्यकालदेखिकै कथालाई समेटिएको छ ।

एक घण्टा ५० मिनेट अवधिको उक्त वृत्तचित्रलाई सार्वजनिक प्रदर्शन अगाडि बुधबार बेलुकी आयोजना गरिएको विशेष प्रदर्शनी (प्रिमियर) मा प्रधानमन्त्री सुशीला कार्की, गृहमन्त्री ओमप्रकाश अर्याल, सञ्चार तथा सूचना प्रविधिमन्त्री जगदीश खरेल, पूर्वप्रधानमन्त्री बाबुराम भट्टराई, पूर्वमन्त्री प्रदीप पौडेल, सुमना श्रेष्ठ, डाक्टर गोविन्द केसी, गायिका आनी छोइङ डोल्मा, राजनीतिज्ञ रवीन्द्र मिश्रलगायतले हेरेको थियो ।

प्रतिक्रिया दिनुहोस्

भर्खरै

वृत्तचित्र ‘दिमाग घोच्ने मान्छे’ आजदेखि प्रदर्शन

सर्लाहीमा युवकले शरीरमा आगो लगाएर आत्मदाहको प्रयास, अवस्था चिन्ताजनक

गणेश नेपालीको मृत्युपछि राइडर युनियनका पाँच माग

नागरिकले आफ्नै शरीरमा आगो लगाउनुपर्ने अवस्था कानूनी राज्यको गम्भीर असफलता हो- उपेन्द्र यादव

अस्ट्रेलियाको बिग बास लिगको उद्घाटन खेल भारतमा हुने

गणेश नेपालीको निधनपछि कलाकारहरू आक्रोशित : राज्यले हत्या गर्‍यो

महेश र अञ्जनालाई लिएर शर्मिलाले घोषणा गरिन् ‘आशा’

ट्रेलर सार्वजनिकपछि चर्चामा ‘गौँथली’, शिक्षाबाट वञ्चित बालिकाको कथा

चर्चामा ‘गौँथली’, टिजर र ट्रेलरले हाइप बढाउँदै

सम्पादक

रमन बडैला

सूचना विभाग दर्ता नम्बर

१८१६/०७६-७७

+977-9869602660

[email protected]

गृहपृष्ठ

अपडेट

ट्रेन्डिङ

भिडियो

सर्लाहीमा युवकले शरीरमा आगो लगाएर आत्मदाहको प्रयास, अवस्था चिन्ताजनक

गणेश नेपालीको मृत्युपछि राइडर युनियनका पाँच माग

नागरिकले आफ्नै शरीरमा आगो लगाउनुपर्ने अवस्था कानूनी राज्यको गम्भीर असफलता हो- उपेन्द्र यादव

अस्ट्रेलियाको बिग बास लिगको उद्घाटन खेल भारतमा हुने

गणेश नेपाली प्रकरणमा विपक्षीलाई गृहमन्त्रीको प्रतिप्रश्न- हस्पिटलमा को–को पुग्नुभएको थियो ?

गणेश नेपालीको घटना छानबिन गर्न डीआईजीको नेतृत्वमा समिति गठन

गणेश नेपालीको मृत्युप्रति वीर अस्पतालले के भन्यो ?

गणेश नेपालीको निधनपछि कलाकारहरू आक्रोशित : राज्यले हत्या गर्‍यो

नेप्सेमा सामान्य करेक्सन, कारोबार उत्साहजनक

मन्त्री प्रतिभा रावल, मधेशका मुख्यमन्त्री र सांसद रहबर अन्सारीबीच छलफल

८० प्रतिशतभन्दा बढी अनौपचारिक क्षेत्रमा कार्यरत श्रमिकहरूको सम्‍बोधनबिना देश समृद्ध हुनैसक्‍दैन

चर्को ट्राफिक जरिवाना लगाउने प्रस्तावको अन्तर्राष्ट्रिय स्तरमै विरोध

बाल समृद्धि र एकीकृत विकासका लागि विद्यालय–स्थानीय तह संवाद सम्पन्न, विद्यार्थीले उठाए विद्यालयका विविध समस्या

पेट्रोल, डिजेल र एलपी ग्यासको मूल्य घट्यो, नयाँ मूल्य कति ?

ग्राहकमैत्री डिम्याट र आस्बा सेवामा नयाँ क्रान्ति: रोजिना तिवारी

वृत्तचित्र ‘दिमाग घोच्ने मान्छे’ आजदेखि प्रदर्शन

2.6K

2.6K

सम्पादक

रमन बडैला

सूचना विभाग दर्ता नम्बर

१८१६/०७६-७७

+977-9869602660

सर्च गर्नुहोस्

गृहपृष्ठ

अपडेट

ट्रेन्डिङ

भिडियो