 (1).gif "machhapuchhre bank")
राष्ट्रपति रामचन्द्र पौडेलले जेनजीका प्रतिनिधिहरुलाई वार्तामा आउन आग्रह गरेका छन् । देशको विषम परिस्थितिलाई ध्यानमा राख्दै मुलुकलाई थप क्षति हुन नदिन राष्ट्रपति पौडेलले वार्तामा आउन आग्रह गरेका हुन् ।
‘लोकतन्त्रमा नागरिकले उठाएको मागहरु जेनजीका प्रतिनिधि समेत बसी वार्ता र संवादमार्फत् समाधान गर्न सकिने भएकाले संयमित हुन, मुलुकलाई अरु क्षति हुन नदिन र वार्तामा आउन म सबै पक्षलाई अपिल गर्दछु,’ राष्ट्रपति पौडेलले भनेका छन् ।
त्यस्तै मुलुकको विषय परिस्थितिको शान्तिपूर्ण समाधानका लागि आन्दोलनकारी नागरिकलगायत सबैलाई सहयोग गर्न समेत आग्रह गरेका छन् ।
त्यस्तै प्रधानमन्त्री केपी शर्मा ओलीबाट आएको राजीनामा स्वीकृत भइसकेकाले अहिलेको विषम परिस्थितिबाट मुलुक, जनता र लोकतन्त्रलाई माया गर्दै समस्या समाधानका लागि सबै पक्षले सहयोग गर्ने विश्वास लिएको समेत बताएका छन् ।
‘प्रधानमन्त्री केपी शर्मा ओलीको राजीनामा स्वीकृत भइसकेकाले अहिलेको विषम परिस्थितिबाट मुलुक, जनता र लोकतन्त्रलाई माया गर्दै समस्या समाधानका लागि सबै पक्षले सहयोग गर्नु हुनेछ भन्ने विश्वास लिएको छु,’ राष्ट्रपति पौडेलले भनेका छन् ।
© 2026 All right reserved to nepalraibar.com
Design & Developed By 
चर्चित अपडेट
ताजा
