 (1).gif "machhapuchhre bank")
नयाँ बानेश्वरमा जेनजी समूहको प्रदर्शनका क्रममा प्रहरीको गोली लागेर घाइते भएका एक जनाको मृत्यु भएको छ।प्रहरीको गोली लागेर गम्भीर घाइते भएका ती प्रदर्शनकारीको सिभिल अस्पतालमा उपचारका क्रममा मृत्यु भएको हो ।
सिभिल अस्पतालका निर्देशक मोहन रेग्मीका अनुसार प्रदर्शनमा घाइते भएकामध्ये एक जनाको मृत्यु भएको छ भने ७० देखि ८० जनाको उपचार भइरहेको छ । मृतकको पहिचान भने खुलिसकेको छैन । यस घटनाको विस्तृत विवरण आउन बाँकी छ ।
बानेश्वरको निषेधित क्षेत्र तोडेर प्रदर्शनकारी संसद् भवन छिरेपछि अवस्था थप तनावग्रस्त भएको थियो । प्रदर्शन उग्र बन्दै गएपछि जिल्ला प्रशासन कार्यालय, काठमाडौंले नयाँ बानेश्वर क्षेत्रमा कर्फ्यू आदेश जारी गरिसकेको छ। त्यही क्रममा प्रदर्शन नियन्त्रण गर्न प्रहरीले रबरको गोली, अश्रुग्यास, र पानीको फोहोरा प्रयोग गरेको थियो।
स्थिति झनै जटिल भएपछि नेपाली सेना समेत परिचालन गरिएको छ। सुरक्षा संयन्त्र उच्च सतर्क अवस्थामा रहेको प्रशासनले जनाएको छ।
© 2026 All right reserved to nepalraibar.com
Design & Developed By 
चर्चित अपडेट
ताजा
