 (1).gif "machhapuchhre bank")
चीनको तियानजिनमा प्रधानमन्त्री केपी शर्मा ओली भारतीय प्रधानमन्त्री नरेन्द्र मोदीको संक्षिप्त भेटवार्ता भएको छ । भेटमा भारतीय प्रधानमन्त्री नरेन्द्र मोदीले नेपालसँग भारतको सम्बन्ध विशेष रहेको बताएका छन् ।
सांघाई सहयोग संगठन (एससीओ)को शिखर सम्मेलनमा सहभागी हुने क्रममा चीनको तियानजिनमा प्रधानमन्त्री केपी शर्मा ओलीसँग संक्षिप्त भेटवार्ता भएपछि मोदीले यस्तो प्रतिक्रिया जनाएका हुन् ।
“तियानजिनमा नेपालका प्रधानमन्त्री केपी ओलीलाई भेट्न पाउँदा खुसी लाग्यो । नेपालसँग भारतको सम्बन्ध गहिरो र विशेष छ,” भारतीय प्रधानमन्त्री मोदीले ओलीसँगको फोटा सामाजिक सञ्जाल एक्समा सेयर गर्दै लेखेका छन् ।
पछिल्लो समय भारत र चीनबीच भारत नियन्त्रित नेपाली भूमि लिपुलेकबाट व्यापार पुनः सुचारु गर्ने सहमति भएपछि नेपाल र भारतबीच तनाव बढेको छ ।
यसैबीच प्रधानन्त्री ओली र भारतीय प्रधानमन्त्री मोदीबीच चीनको तियानजिनमा आइतबार भेट भएको हो । प्रधानमन्त्री ओली चीनबाट फर्केपछि भारत भ्रमण गर्ने कार्यक्रम छ ।
Delighted to meet Nepal PM Mr. KP Oli in Tianjin. India’s relations with Nepal are deep-rooted and very special.@kpsharmaoli pic.twitter.com/2PBj3LRyRK
— Narendra Modi (@narendramodi) August 31, 2025
© 2026 All right reserved to nepalraibar.com
Design & Developed By 
चर्चित अपडेट
ताजा
