कीर्तिपुर नगरपालिकाकी कार्यवाहक मेयर शुभलक्ष्मी शाक्यमाथि सोही नगरपालिकाको वडा नम्बर–३ का अध्यक्ष सुबिन्द्र महर्जनले हातपात गर्नुका साथै मेयरको कार्यकक्षमा तोडफोड गरेका छन् ।
प्रमुख प्रशासकीय अधिकृत समयमा नआएको भन्दै वडाध्यक्ष महर्जनले कार्यबाहक मेयरको कार्यकक्षको टेबल फुटाएका हुन् । विभिन्न विषयमा छलफलका लागि बोलाइएको बैठकमा प्रमुख प्रशासकीय अधिकृत अनुपस्थित भएको भन्दै वडाध्यक्षले कार्यबाहक मेयरको कार्यकक्षमा रहेको टी टेबल फुटाएका हुन् ।
शुभलक्ष्मी शाक्य सुनिता अहिले नगरपालिकाको कार्यबाहक मेयर छिन् । कार्यबाहक मेयर शाक्यले वडाध्यक्षले आफ्नो कार्यकक्षमा रहेको ‘टी टेबल’ फोरेको पुष्टि गरिन् ।
‘मसँग भेट्न खोजेको समयमा प्रमुख प्रशासकीय अधिकृत अनुपस्थित भएपछि उहाँले झोक्किएर टेबल फुटाउनु भयो,’ शाक्यले सुनाइन् । १६ गतेसम्म आफू नै मेयर रहेकाले वडाध्यक्षको आक्रमण आफूलक्षित रहेको शाक्यले दाबी गरिन्। नगरपालिकामा माधवप्रसाद ढकाल प्रमुख प्रशासकीय अधिकृत छन् । मेयर छान्नका लागि कीर्तिपुरमा मंसिर १६ गते निर्वाचन हुँदैछ ।
© 2026 All right reserved to nepalraibar.com
Design & Developed By 
चर्चित अपडेट
ताजा
