अभियन्ता पुण्य गौतमलाई रड प्रहार गरेको आरोपमा दुई जना पक्राउ परेका छन् ।
जिल्ला प्रहरी परिसर काठमाडौँका एसपी नवराज अधिकारीका अनुसार सञ्जीव तामाङ र दिलबहादुर गङदान पक्राउ परेका हुन् । तामाङ काभ्रे तेमाल घर भई भक्तपुरको च्यामासिंह बस्छन् ।
गङदान रसुवा घर भई गोकर्णेश्वर नगरपालिकामा बसोबास गर्छन् । उनीहरूले गौतमलाई घाइते बनाएर फरार भएका थिए । उनीहरूबाट प्रहरीले एउटा रड र तीन वटा मोबाइल पनि बरामद गरेको छ ।
एसपी अधिकारीका अनुसार उनीहरूमाथि ज्यान मार्ने उद्योग कसुरमा अनुसन्धान अघि बढाएको छ । पक्राउ परेका दिलबहादुर गङदाङ मुख्य योजनाकार रहेको प्रहरीले जनाएको छ ।
© 2026 All right reserved to nepalraibar.com
Design & Developed By 
चर्चित अपडेट
ताजा
