मुग्लिन–नारायणगढ सडकखण्डअन्तर्गत सिमलतालबाट एउटा ट्रक त्रिशूली नदी किनारमा खसेको छ ।
ना ६ ख ६२८३ नम्बरको ट्रक त्रिशूली नदी किनारमा खसेको जिल्ला प्रहरी कार्यालय चितवनले जनाएको छ । प्रहरीका अनुसार ट्रक त्रिशूलीको किनारमा खसेको जानकारी आएपनि क्षतिबारे थप विवरण आउन बाँकी छ ।
यतिबेला प्रहरीको टोली त्यसतर्फ खटिएको छ । सिमलताल क्षेत्रबाट यसअघि पनि दुई वटा बस त्रिशूली नदीमा खसेका थिए । गत असार २८ गते बस खस्दा २४ जनाको शव फेला परेको थियो ।
कूल ६२ जना यात्रुहरू सवार रहेकोमा २४ जनाको शव मात्र फेला परेको हो । भारतीय टोली परिचालन गरी खोजी कार्य गरे पनि सबैलाई भेटाउन नसकिएपछि खोजी कार्य नै बन्द गरिएको हो ।
© 2026 All right reserved to nepalraibar.com
Design & Developed By 
चर्चित अपडेट
ताजा
