अर्थमन्त्री बाधक बन्दा गठबन्धन नै भत्कियो

नेपाल रैबार
सोमवार , फाल्गुण २१, २०८०

अर्थमन्त्री बाधक बन्दा गठबन्धन नै भत्कियो

नेपाली कांग्रेसका सभापति शेरबहादुर देउवाले पार्टी प्रवक्ता एवं अर्थमन्त्री डा. प्रकाशशरण महतलाई अन्तिमसम्म बोकेपछि वर्तमान सत्ता गठबन्धन ढलेको छ । प्रधानमन्त्री एवं माओवादी केन्द्रका अध्यक्ष पुष्पकमल दाहाल ‘प्रचण्ड’ अर्थमन्त्री महतसँग गत मंसिरदेखि नै असन्तुष्ट थिए ।

उनले मंसिरदेखि नै मन्त्रिमण्डल पुनर्गठनको पहल थालेका थिए । त्यतिबेला कांग्रेस सभापति देउवाले नै राष्ट्रिय सभाको निर्वाचनसम्म मन्त्रिमण्डल हेरफेर नगर्न भन्दै आएका थिए । त्यसपछि फेरि देउवाले कांग्रेस महासमिति बैठकसम्म कुर्न लगाए ।

एकातिर कांग्रेसबाट सरकारमा गएका मन्त्रीहरुको रिपोर्ट कार्ड राम्रो नहुनु र अर्कातिर प्रचण्डसँगै अर्थमन्त्रीको राम्रो सम्बन्ध नहुनाका कारणले पनि प्रचण्ड चिँढिदै आएका थिए । कांग्रेस महासमिति सकिएपछि पनि देउवाले अर्थमन्त्री महतलाई लगानी सम्मेलनसम्म काम गर्न दिन प्रचण्डसँग आग्रह गरेपछि प्रचण्ड देउवासँग नै बिच्किएका थिए । अहिले नेकपा माओवादी केन्द्र, नेकपा एमाले, रास्वपा र जसपाको नयाँ गठबन्धन बनाउने सहमति भएसँगै संसदको सबैभन्दा ठूलो दल नेपाली कांग्रेस सत्ताबाट बाहिरिने भएको छ ।

माओवादी केन्द्रका अध्यक्ष समेत रहेका प्रधानमन्त्री पुष्पकमल दाहाल ‘प्रचण्ड’ ले कांग्रेसले आफूलाई काम गर्न नदिएको भन्दै एमाले, रास्वपा, जसपासहितको नयाँ गठबन्धन बनाउने सहमति गरेका छन् । राष्ट्रिय सभाको अध्यक्ष, कांग्रेस महासमिति बैठकमा पेश भएका दस्तावेज, टीआरसी लगायत विषय सतहमा देखिए पनि गठबन्धन टुट्नुको मुख्यकारण अर्थमन्त्री डा. प्रकाशशरण महत भएको स्रोतले दावी गरेको छ ।

प्रधानमन्त्रीको चासो भएका फाइल अगाडि नबढाउने, समानान्तर सत्ताको अभ्यास गर्ने काम अर्थमन्त्रीबाट हुन थालेपछि प्रचण्डले देउवा समक्ष पटक–पटक गुनासो गरेको स्रोतले बताएको छ । तर, देउवा महतलाई हटाउन तयार नभएपछि नयाँ समीकरणका लागि प्रचण्डले एमाले अध्यक्ष ओलीसँग छलफल अघि बढाएको स्रोतको दाबी छ ।

गत बिहीबार अर्थमन्त्रीकै अगाडि सार्वजनिक रूपमै पनि प्रचण्डले उनीप्रति गुनासो गरेका थिए । महतप्रति लक्षित गर्दै उनले भनेका थिए, ‘हामीले निर्धारण गरेको लक्ष्य धरातलीय यथार्थतासँग मेल खाएन । अझ पुँजीगत खर्च त २४ प्रतिशतभन्दा पनि कम भएको छ । पुँजी निर्माण नभई विकासले गति लिँदैन भन्ने सबैलाई थाहा छ ।’ महतले आगामी बजेटमा प्रधानमन्त्रीले निर्देशन दिएका विषय समेट्ने छाँटकाँट समेत नदेखाएको स्रोतको दावी छ । ‘बजेटको सिद्धान्तमै कुरा मिलिरहेको थिएन, अन्य विषयमा गठबन्धनमा सामान्य खटपट हुने भएता पनि देशकै समृद्धिको विषयमा अर्थमन्त्री बाधक बन्दा गठबन्धन नै भत्किने अवस्था आयो’, स्रोत भन्छ ।

नेकपा एमालेका अध्यक्ष केपी शर्मा ओलीले समेत आइतबार पार्टी संसदीय दलको बैठकमा अर्थमन्त्रीकै कारण कांग्रेस–माओवादी गठबन्धनमा समस्या आएको ब्रिफिङ गरेका थिए । प्रधानमन्त्री प्रचण्डले पनि निकटस्थहरूसँग मुख्य समस्या अर्थमन्त्रीकै कारण आएको ब्रिफिङ गरेका छन् । आफूलाई काम गर्न अप्ठ्यारो भएको भन्दै प्रधानमन्त्री प्रचण्डले कांग्रेस सभापति शेरबहादुर देउवासँग कांग्रेसबाट अर्को अर्थमन्त्री चाहियो भन्ने गरेका थिए । तर, देउवाले कुरै नसुनेपछि प्रचण्ड गठबन्धन बदल्ने मनस्थितिमा पुगेको स्रोतको दाबी छ ।

२०७९ को पुस १० मा एमाले–माओवादी गठबन्धन बन्नुको पृष्ठभूमिमा पनि महत नै थिए । महतसहितका नेताले कुनै पनि हालतमा प्रचण्डलाई प्रधानमन्त्री दिनु हुँदैन भनेर देउवालाई उक्साएको आरोप थियो । माओवादी, एमाले, जसपा र रास्वपाका कम्तीमा १–१ जनाले आजै मन्त्रीको शपथ लिने तयारी छ । विकसित घटनाक्रमबारे छलफल गर्न कांग्रेस पदाधिकारी बैठक समेत बसिरहेको छ । एमालेले पदम गिरीलाई मन्त्रीमा पठाउने तयारी गरेको छ । माओवादी, रास्वपा र जसपाले मन्त्री टुंग्याउन बाँकी छ । चारै जनाले विना विभागीय मन्त्रीका रूपमा शपथ लिनेछन् ।

प्रतिक्रिया दिनुहोस्

भर्खरै

अर्थमन्त्री बाधक बन्दा गठबन्धन नै भत्कियो

विश्वकप फाइनलमा अनुभव र युवा जोशको महासंग्राम, रोजाइमा मेस्सी र यामाल

काठमाडौं आउने-जाने यात्रुलाई रातिको यात्रा गर्दा विशेष सतर्कता अपनाउन प्रशासनको आग्रह

दुई दिन भारी वर्षाको सम्भावना, प्राधिकरणद्वारा उच्च सतर्कता अपनाउन आग्रह

पर्वतमा ट्याक्टर दुर्घटना, दुई जनाको मृत्यु

विष्णु पौडेललाई साधारण तारेखमा रिहा गर्न विशेष अदालतको आदेश

३० हजार मेट्रिक टन रासायनिक मल नेपाल भित्रिँदै

सरकार र मिटरब्याज पीडितबीच ९ बुँदे सहमति, आन्दोलन रोकियो

राष्ट्र बैंक ऐन संशोधनमा खुला छलफल गर्न सरकार तयार छ : अर्थमन्त्री डा. वाग्ले

सम्पादक

रमन बडैला

सूचना विभाग दर्ता नम्बर

१८१६/०७६-७७

+977-9869602660

[email protected]

गृहपृष्ठ

अपडेट

ट्रेन्डिङ

भिडियो

विश्वकप फाइनलमा अनुभव र युवा जोशको महासंग्राम, रोजाइमा मेस्सी र यामाल

काठमाडौं आउने-जाने यात्रुलाई रातिको यात्रा गर्दा विशेष सतर्कता अपनाउन प्रशासनको आग्रह

दुई दिन भारी वर्षाको सम्भावना, प्राधिकरणद्वारा उच्च सतर्कता अपनाउन आग्रह

पर्वतमा ट्याक्टर दुर्घटना, दुई जनाको मृत्यु

नेपालको पुँजीगत खर्चमा कार्यान्वयनगत घाटा र विकास राज्यको संकट

दुई दिन मनसुन थप सक्रिय हुने, अति भारी वर्षाको सम्भावना

नेपाली उत्पादनका लागि ब्रिटेनमा भन्साररहित पहुँचको सम्भावनाबारे छलफल

माफी माग्दै दुर्गेश थापाले हटाए विवादित 'मास्टर्नी' गीत

१८ वर्षअघिको तस्बिरदेखि विश्वकप फाइनलसम्मः मेस्सी र यामालको अविश्वसनीय यात्रा

'जलनका घटना नयाँ होइनन्, हाम्रो चासो नयाँ हो'

हरिपूर्वामा पोषणमैत्री विद्यालय निर्माणका लागि विद्यालय स्वास्थ्य तथा पोषण सम्मेलन सम्पन्न

उसको पढ्ने रहर

मूल्यभन्दा ठूलो बच्चाको स्वास्थ्य, बेबी चार्म डायपर अभिभावकको रोजाइमा: अध्यक्ष निशा सेढाई

साउन २६ देखि आयोजना हुने नेपाल मोबिलिटी एक्सपो अपाङ्गमैत्री हुनेछ: कार्यकारी निर्देशक राजकुमार दुलाल

विश्वकपको उपाधिका बलिया दाबेदार फ्रान्स र स्पेनबीच सेमिफाइनलमा भिडन्त

अर्थमन्त्री बाधक बन्दा गठबन्धन नै भत्कियो

18.1K

18.1K

सम्बन्धित विषय:

सम्पादक

रमन बडैला

सूचना विभाग दर्ता नम्बर

१८१६/०७६-७७

+977-9869602660

सर्च गर्नुहोस्

गृहपृष्ठ

अपडेट

ट्रेन्डिङ

भिडियो