.png "ncell")
 (1).gif "machhapuchhre bank")
कुनै बेला अति दुर्गम मानिएको कर्णाली प्रदेशको हुम्ला जिल्लाका विभिन्न बस्तीहरुमा पछिल्लो समय धमाधम सडक सञ्जाल जोडिन थालेपछि चहलपहल बढेको छ । मानिसहरु एक स्थानबाट अर्को स्थानमा जाने क्रम पनि बढ्दो क्रममा छ । यसका लागि सडक सञ्जालले सहयोग गरेको छ ।
चहलपहल बढ्न थालेपछि दसैँ र तिहारलाई मध्यनजर गर्दै हुम्लाको चंखेली गाउँपालिका–२ मा छायाँनाथ यातायात प्रालिले शाखा कार्यालय सञ्चालनमा ल्याएको छ । बिगतमा औषधिउपचार गर्न आफन्त र भेटघाट गर्न मुगु जिल्लाको सदरमुकाम गमगढी बजारसम्म पुग्न २ दिन लाग्ने गर्थ्यो । अचेल भने गमगढीबाट हुम्लाको चंखेली, लोतीसम्म जिप चल्न थालेको छ ।
यसले गर्दा एक गाउँबाट अर्को गाउँ जान र मुगुको सदरमुकाम गमगढी पुग्न सहज भएको छ । गमगढी पुग्न अब ४ घण्टाको यात्रा गरे पुग्ने भएको चंखेली गाउँपालिका नेपाली कांग्रेसका गाउँ सभापति नरबहादुर भण्डारीले बताए । छायाँनाथ यातायात प्रालिले दैनिक ५–६ वटा जिप चलाउन थालेपछि सहज भएको उनको भनाइ छ ।
स्थानीय स्तरमै शाखा स्थापना गरी दैनिक साना गाढी चल्न थालेपछि निकै सहज भएको स्थानीय भीमबहादुर शाहीले बताए । भाडा भने अलि महंगो भएको उनको गुनासो छ । हुम्लीबासीलाई सहज होस् भनेर चंखेली गाउँपालिकामा शाखा कार्यालय सञ्चालन गरी ६०–६२ किलोमिटर दूरीसम्म दैनिक ५–६ वटा साना गाढी सञ्चालन गरिएको छायाँ यातायातले जनाएको छ ।
उक्त यातायातको गमगढीमा प्रधान कार्यालय एवं अन्य जिल्ला र जिल्लाभित्रै गरी ७ वटा शाखा कार्यालय सञ्चालनमा छन् । कर्णाली राजमार्गको नाम्मदेखि गमगढी बजारसम्म अस्थायी रुट परमिटमा सवारी चल्दै आइरहेको छायाँनाथ यातायात प्रालिका सचिव सन्तोष शाहीले बताए ।
दुई वर्षअघि ग्रामीण पहुँच रेया थ्रीले निर्माण गरेको सडकमा गाढीहरु गुडिरहेका छन् । बीच बीचमा वर्षाले बिगारेका कारण कतिपय सडक खण्ड अव्यवस्थित छन् । त्यस्ता स्थानमा स्थानीय तहले मर्मत र प्रदेश सरकारले सडक व्यवस्थित गरिदिए यात्रा गर्न सहज हुने स्थानीय बासिन्दाको भनाइ छ ।
.gif "unitedajod")
© 2026 All right reserved to nepalraibar.com
Design & Developed By 
चर्चित अपडेट
ताजा
 (1) (1).gif "muktinath")
.png "tulsipur")
