.png "ncell")
 (1).gif "machhapuchhre bank")
बलिवुड फिल्म उद्योगका निर्माता तथा भारतीय केन्द्रीय चलचित्र प्रमाणन बोर्डका पूर्व अध्यक्ष पहलाज निहलानीको ७६ वर्षको उमेरमा निधन भएको छ । उनी केही समयदेखि बिरामी थिए र कलेजोसम्बन्धी समस्याबाट पीडित थिए ।
उनलाई गएराति अस्पताल भर्ना गरिएको थियो । उपचारकै क्रममा आज बिहान उनको निधन भएको भारतीय मिडियाहरुले उल्लेख गरेका छन् ।
निहलानी हिन्दी चलचित्र उद्योगका चर्चित व्यक्तित्वमध्ये एक थिए । उनले चलचित्र निर्माता र चलचित्र प्रमाणन निकायका प्रमुखका रूपमा लामो समय काम गरेका थिए । उनले निर्माण गरेका चर्चित चलचित्रहरूमा ‘आँखें’, ‘अन्दाज’, ‘तलाश’, ‘रंगीला राजा’ र ‘जूली २’ रहेका छन् । व्यावसायिक हिन्दी चलचित्र क्षेत्रमा उनको योगदान धेरै दशकसम्म फैलिएको थियो ।
निहलानीले सन् २०१५ देखि २०१७ सम्म भारतीय केन्द्रीय चलचित्र प्रमाणन बोर्डको अध्यक्षका रूपमा काम गरेका थिए । उनको कार्यकाल चलचित्र सेन्सर र प्रमाणनसम्बन्धी विवाद तथा बहसका कारण निकै चर्चामा रहेको थियो । बोर्डमा रहँदा उनले गरेका विभिन्न निर्णयले चलचित्र उद्योगभित्र व्यापक छलफल र विवाद जन्माएका थिए । त्यसैले उनी पछिल्ला वर्षहरूमा सबैभन्दा चर्चित अध्यक्षमध्ये एक मानिन्थे ।
निहलानीले सन् १९८० को दशकको सुरुवातमा चलचित्र निर्माण यात्रा थालेका थिए । उनको पहिलो चलचित्र ‘हथकडी’ सन् १९८२ मा प्रदर्शन भएको थियो । त्यसपछि सन् १९८५ मा ‘आँधी–तूफान’ निर्माण गरेका थिए ।
सन् १९८६ मा उनले निर्माण गरेको ‘इल्जाम’ चलचित्रबाट अभिनेता गोविन्दाले अभिनय यात्रा सुरु गरेका थिए । निहलानीको निधनसँगै भारतीय चलचित्र उद्योगले एक अनुभवी निर्माता र प्रशासक गुमाएको छ ।
.gif "unitedajod")
© 2026 All right reserved to nepalraibar.com
Design & Developed By 
चर्चित अपडेट
ताजा
 (1) (1).gif "muktinath")
.png "tulsipur")
