 (1).gif "machhapuchhre bank")
वीरगन्ज महानगरपालिकाका मेयर राजेशमान सिंह पक्राउ परेका छन्। उनलाई पर्साको ठोरी क्षेत्रबाट पक्राउ गरिएको प्रहरीले जनाएको छ। जिल्ला प्रहरी कार्यालय पर्साका अनुसार मेयर सिंहलाई आइतबार बिहान करिब ६:१५ बजे ठोरीबाट नियन्त्रणमा लिइएको हो।
प्रहरी स्रोतका अनुसार सिंहविरुद्ध यसअघि नै जिल्ला अदालत पर्साबाट पक्राउ पुर्जी जारी भएको थियो। अदालतले लिखतसम्बन्धी कसुरको मुद्दामा अनुसन्धानका लागि उनलाई पक्राउ गर्न अनुमति दिएको जनाएको छ।
पक्राउपछि उनलाई थप अनुसन्धानका लागि प्रहरी हिरासतमा राखिएको छ। उनीमाथि लगाइएको आरोप तथा घटनाको विस्तृत विवरणबारे प्रहरीले थप जानकारी सार्वजनिक गर्न बाँकी रहेको छ।
यस घटनाले वीरगन्जको राजनीतिक वृत्तमा चासो र चर्चा बढाएको छ। प्रहरीले मुद्दासम्बन्धी अनुसन्धान प्रक्रिया अघि बढिरहेको जनाएको छ।
© 2026 All right reserved to nepalraibar.com
Design & Developed By 
चर्चित अपडेट
ताजा
