 (1).gif "machhapuchhre bank")
राष्ट्रिय कृषि आधुनिकीकरण परियोजना कार्यान्वयन एकाइ, सर्लाहीद्वारा सञ्चालित चैते धान प्रवर्द्धन कार्यक्रम अन्तर्गत स्यालो ट्युबेल पम्पसेट जडान गरिसकेका कृषकहरुलाई मोटर (२ एच.पी.) वितरण गरिएको छ।
उक्त मोटर वितरण कार्यक्रम सर्लाही सुपर जोनका प्रमुख डा. सुरेन्द्र यादवको हस्तबाट सम्पन्न भएको हो। हरिपूर्वा नगरपालिकाभित्रका जम्मा ८ जना कृषकहरु यस कार्यक्रमबाट लाभान्वित भएका छन्।
कार्यक्रममा प्रमुख अतिथिको रुपमा राष्ट्रिय कृषि आधुनिकीकरण परियोजना कार्यान्वयन एकाइ, सर्लाहीका प्रमुख डा. सुरेन्द्र यादवको उपस्थिति रहेको थियो। कार्यक्रममा स्थानीय कृषक, सरोकारवाला तथा प्राविधिकहरुको पनि उल्लेख्य सहभागिता रहेको थियो।
कार्यक्रममार्फत कृषकहरुलाई आधुनिक सिँचाइ प्रविधिमा पहुँच विस्तार गरी उत्पादन वृद्धि तथा आत्मनिर्भरता हासिल गर्ने लक्ष्य लिइएको आयोजकले जनाएको छ। कृषकहरुको प्रतिक्रिया कार्यक्रमबाट लाभान्वित कृषकहरुले खुसी व्यक्त गर्दै भने: “यस सहयोगले अब हामीलाई सिँचाइ गर्न धेरै सजिलो हुनेछ, उत्पादन पनि बढ्ने आशा गरेका छौं।” अर्का एक कृषकले भने: “सरकारको यस्तो सहयोगले कृषिमा लगानी गर्ने हौसला बढेको छ।”
© 2026 All right reserved to nepalraibar.com
Design & Developed By 
चर्चित अपडेट
ताजा
