लगातार उकालो लागिरहेको सुनको मूल्य आज मंगलबार पनि बढेको छ। नेपाल सुनचाँदी व्यवसायी महासंघका अनुसार आज सुनको मूल्य प्रतितोला ३०० रुपैयाँले वृद्धि भएको हो।
मंगलबार सुनको मूल्य तोलाको ३ लाख ९ हजार ३०० रुपैयाँ पुगेको छ । यो हालसम्मकै उच्च मूल्य हो। अघिल्लो दिन सोमबार सुनको मूल्य प्रतितोला ३ लाख ९ हजार रुपैयाँ रहेको थियो।
यससँगै चाँदीको मूल्य पनि बढेको छ। महासंघका अनुसार मंगलबार चाँदीको मूल्य तोलामा १०५ रुपैयाँले बढेर ६ हजार ८७० रुपैयाँ पुगेको छ। अघिल्लो दिन चाँदीको मूल्य प्रतितोला ६ हजार ७६५ रुपैयाँ थियो।
अन्तर्राष्ट्रिय बजारमा सुनको मूल्यमा भइरहेको उतारचढाव, लगानीकर्ताको बढ्दो आकर्षण र स्थानीय मागका कारण सुनचाँदीको मूल्य निरन्तर बढिरहेको व्यवसायीहरू बताउँछन्।
© 2026 All right reserved to nepalraibar.com
Design & Developed By 
चर्चित अपडेट
ताजा
