कुमारी बैंक लिमिटेडको २५ औँ वार्षिक साधारण सभा बुधबार काठमाडौँको टंगालस्थित आम्रपाली ब्याङ्क्वेटमा सम्पन्न भएको छ।
सभाले सञ्चालक समितिको वार्षिक प्रतिवेदनसहित आर्थिक वर्ष २०८०/८१ को लेखापरीक्षण प्रतिवेदन, वासलात, नाफा–नोक्सान हिसाब तथा नगद प्रवाह लगायतका वित्तीय विवरणहरू सर्वसम्मतिले पारित गरेको छ । यो वर्ष बैंकले शेयरधनीलाई कुनैपनि लाभांश भने वितरण गरेन ।
विगत २४ वर्षदेखि निरन्तर बैंकिङ सेवा प्रदान गर्दै आएको कुमारी बैंकले आगामी दिनमा आफ्ना सेवाहरूलाई अझ सरल, सुलभ र प्रविधिमैत्री बनाउँदै लैजाने प्रतिबद्धता जनाएको छ ।
बैंकले हाल देशभर रहेका ३०२ शाखा, ३१६ एटीएम, ५० एक्स्टेन्सन काउन्टर तथा ४८ शाखारहित बैंकिङ ईकाईमार्फत अत्याधुनिक सेवा दिँदै आएको छ ।
© 2026 All right reserved to nepalraibar.com
Design & Developed By 
चर्चित अपडेट
ताजा
