 (1).gif "machhapuchhre bank")
धनुषाको गणेशमान चारनाथ नगरपालिकामा यात्रुबाहक बसले अटो रिक्सालाई ठक्कर दिँदा एकै परिवारका तीन सदस्यसहित चार जनाको मृत्यु भएको छ। दुर्घटनामा दुईजना बालबालिका गम्भीर घाइते भएका छन्।
विराटनगरबाट धनगढी जाँदै गरेको सु.प्र ०१–००१ ख ३२८८ नम्बरको बसले विपरीत दिशाबाट आउँदै गरेको प्रदेश २–०१–००१ ह १२३० नम्बरको अटोलाई शनिबार साँझ ठक्कर दिएको थियो।
पूर्व–पश्चिम राजमार्गअन्तर्गत गणेशमान चारनाथ नगरपालिका–१, वीरेन्द्र बजारमा भएको दुर्घटनामा भरतपुरका अन्दाजी ४० वर्षीय धनबहादुर पुर्वछाने मगर, ३५ वर्षीय शम्भु पुर्वछाने मगर, ३५ वर्षीय निशा मगर, र अटो चालक अन्दाजी ४० वर्षीय डम्बर राईको मृत्यु भएको इलाका प्रहरी कार्यालय ढल्केबरले जनाएको छ।
सभी जनाको घटनास्थलमै मृत्यु भएको बताइएको छ।
दुर्घटनामा घाइते भएका १४ वर्षीय शीतल मगर र ९ वर्षीय रोशन मगरलाई गम्भीर चोट लागेको छ। उनीहरूको उपचार जनकपुरधामस्थित न्युरो अस्पतालमा भइरहेको प्रहरीले जानकारी दिएको छ।
प्रहरीका अनुसार दुर्घटनाको कारणबारे अनुसन्धान भइरहेको छ।
© 2026 All right reserved to nepalraibar.com
Design & Developed By 
चर्चित अपडेट
ताजा
