सनातन धर्मावलम्बीले १६ दिन लामो महालक्ष्मी व्रत आरम्भ गर्दैछन्। भाद्र शुक्ल अष्टमीको साँझमा व्रत शुरु गरेर आश्विन कृष्ण अष्टमीको साँझ व्रत समापन गरिन्छ। भदौ १४ गते शनिबार शुरु भएको यो व्रत २९ गते आइतबार पूरा हुनेछ।
यो अवधिलाई धनधान्यकी देवी महालक्ष्मीलाई प्रसन्न गराउने अवसरका रूपमा लिइन्छ। यो अवधिभर ब्रह्मचर्यमा रहनुपर्ने, भूमिमा सुतेर व्रत पूरा गर्नुपर्ने नियम छ।
प्रत्येक दिन हविष्य भोजन अर्थात् एक छाक फलाहार र दिनमा एकपटक मात्र नुन खाएर महालक्ष्मी व्रत गरिन्छ। १६ दिनसम्म प्रत्येक दिन बेलुकी चन्द्रमालाई अर्घ्य दिने गरिन्छ। यसरी व्रत गरेमा धन, सम्पत्ति, वैभव प्राप्त हुने विश्वास छ।
यो व्रत विशेष गरेर महिलाले गर्ने गरेका छन्। यो व्रतले घरमा महालक्ष्मीको वास भई दुःख दारिद्रय नाश भई सुख शान्ति मिल्ने विश्वास छ।
© 2026 All right reserved to nepalraibar.com
Design & Developed By 
चर्चित अपडेट
ताजा
