.gif)
प्रमुख प्रतिपक्षी नेकपा माओवादी केन्द्रका वरिष्ठ उपाध्यक्ष नारायणकाजी श्रेष्ठ र नेकपाका महासचिव नेत्रविक्रम चन्द ‘विप्लव’ बीच भेटवार्ता भएको छ । विप्लवले श्रेष्ठ निवास हात्तीवन पुगेर करिब एक घण्टा छलफल गरेका हुन् ।
दुई नेताबीच पछिल्ला विकसित राजनीतिक घटनाक्रम, समाजवादी मोर्चा, माओवादीको एकतासम्बन्धी निर्णयलगायतको विषयमा छलफल भएको जनाइएको छ । माओवादीको स्थायी कमिटी बैठकले विप्लव नेतृत्वको नेकपासँग एकता गर्ने निर्णय गरेको थियो ।
तर नेकपाले भने माओवादीले निर्णय गर्दैमा तत्कालै एकता नहुने प्रतिक्रिया जनाएको छ । दुई पार्टीबीच एकताको चर्चा विगतदेखि नै चल्दै आइरहेको छ ।
विप्लवले यसअघि माओवादीका उपमहासचिवद्वय वर्षमान पुन र जनार्दन शर्मासँग पनि बेग्लाबेग्लै भेटवार्ता गरेका थिए ।
प्रतिक्रिया दिनुहोस्
.jpeg)
.gif)
