.gif)
सर्वोच्च अदालतका मुख्य रजिष्ट्रारमा बिमल पौडेल सिफारिस भएका छन् ।
न्याय सेवा आयोगको सोमबार बसेको बैठकले रिक्त मुख्य रजिष्ट्रारमा पौडेललाई सिफारिस गरेको हो । ५८ वर्षे उमेर हदका कारण मुख्य रजिस्ट्रार देवेन्द्रराज ढकाल सोमबारदेखि सेवा निवृत्त भएका छन् ।
यस्तै रजिस्ट्रारमा सर्वोच्च अदालतकै सहरजिस्ट्रार मानबहादुर कार्कीलाई सिफारिस गरिएको छ । अब मन्त्रिपरिषद्ले बढुवाको निर्णय गरेपछि उनीहरूको पदस्थापन हुनेछ । ढकाल २०८० पुसमा मुख्य रजिस्ट्रार नियुक्त भएका थिए ।
सर्वोच्च अदालतको रजिस्ट्रारमा मानबहादुर कार्कीको बढुवा सिफारिस भएको छ । सर्वोच्च अदालतका प्रवक्ता अच्युत कुईंकेलका अनुसार, सेवा निवृत्त ढकाललाई आइतबार एक कार्यक्रमको आयोजना गरि बिदाइ गरिएको थियो ।
प्रधान न्यायाधीश प्रकाशमान सिंह राउतलगायत अन्य न्यायाधीश, रजिस्ट्रार तथा कर्मचारीहरूले बिदाइ गरेका थिए ।
.jpeg)
.gif)
