.gif)
सांग्रिला डेभलपमेन्ट बैंकले गत आर्थिक वर्ष २०८१/८२ को चौथो त्रैमासको वित्तीय विवरण सार्वजनिक गरेको छ । सार्वजनिक वित्तीय विवरणअनुसार गत आर्थिक वर्षमा बैंकले ५३ करोड ७० लाख रुपैयाँ नाफा आर्जन गरेको छ ।
अघिल्लो आर्थिक वर्ष २०८०/८१ मा बैंकले ५० करोड ४२ लाख रुपैयाँ नाफा आर्जन गरेको थियो । अघिल्लो वर्षको तुलनामा बैंक नाफा ६.५१ प्रतिशतले बढेको छ । बैंकको वितरणयोग्य मुनाफा ४१ करोड ३८ लाख रुपैयाँ रहेको छ । बैंकको लाभांश वितरण गर्ने क्षमता ११.६४ प्रतिशत देखिएको छ ।
त्यस्तै, बैंकको सञ्चालन मुनाफा बढेर ७७ करोड ४२ रुपैयाँमा भएको छ । बैंकको सञ्चालन मुनाफा पनि १०.०६ प्रतिशतले बढेको छ । गत आर्थिक वर्षको चौथो त्रैमाससम्म बैंकले १ अर्ब ८८ करोड ९ लाख रुपैयाँ ब्याज आम्दानी गरेको छ । ब्याज आम्दानी १.३६ प्रतिशतले घटेको छ ।
चुक्तापुँजी ३ अर्ब ५५ करोड ६२ लाख रुपैयाँ रहेको बैंकको रेटिन्ड अर्निङ र रिजर्भको आकार बढेर क्रमशः ४१ करोड ३८ लाख रुपैयाँ र १ अर्ब ६० करोड ३० लाख रुपैयाँको उचाइमा पुगेको छ ।
त्यस्तै, बैंकले ५४ अर्ब ६६ करोड ८४ लाख रुपैयाँ निक्षेप संकलन गरी ४३ अर्ब २ करोड १४ लाख रुपैयाँ कर्जा लगानी गरेको छ । समीक्षा वर्षमा बैंकको खराब कर्जा अनुपात (एनपीएल) बढेर ५.६४ प्रतिशतमा पुगेको छ ।
बैंकको वार्षिकीकृत प्रतिशेयर आम्दानी (ईपीएस) बढेर १५.१० रुपैयाँ कायम भएको छ भने पीई रेसियो ३०.६५ गुणा रहेको छ । बैंकको प्रतिशेयर नेटवर्थ १५६.७१ रुपैयाँ रहेको छ ।
.jpeg)
.gif)
