.gif)
दक्षिण अफ्रिकाले आइसीसी विश्व टेस्ट च्याम्पियनसिपको फाइनलमा आफ्नो पकड बनाएको छ ।
अस्ट्रेलियाले दिएको २८२ रनको लक्ष्य पछाइरहेको दक्षिण अफ्रिकाले तेस्रो दिनको खेल सकिदा २ विकेट गुमाएर २१३ रन बनएको छ । अब दक्षिण अफ्रिका जितका लागि ६९ रन मात्र टाढा रहेको छ । त्यस्तै अस्ट्रेलियाले यो फाइनल जित्न थप ८ विकेट लिनुपर्ने छ ।
दक्षिण अफ्रिकाका लागि एडन मार्क्रम महत्वपूर्ण १०२ रनको शतकीय पारी खेलेर क्रिजमै छन् भने कप्तान टेम्बा बभुमा अविजित ६५ रन बनाएर खेलिरहेका छन् । यसअघि रयान रिकेलटन ६ र विआन मुल्डर २७ रन बनाएर आउट भएका थिए । दक्षिण अफ्रिकाका दुवै विकेट मिचेल स्टार्कले लिएका थिए ।
यस टेस्टमा टस हारेर पहिला ब्याटिंग गर्दै अस्ट्रेलियाले २१२ रन बनाएको थियो भने दक्षिण अफ्रीकाले पहिलो इनिंगमा १३८ रन मात्र बनाएको थियो । पहिलो इनिंगमा ७४ रनको महत्वपूर्ण अग्रता हासिल गरेको अस्ट्रेलियाले दोस्रो इनिंगमा २०७ रन बनाउदै दक्षिण अफ्रिकालाई २८२ रनको लक्ष्य दिएको थियो ।
.jpeg)
.gif)
