.gif)
पाँच घण्टा २९ मिनेटसम्म चलेको रोलान्ड ग्यारोसको ऐतिहासिक फाइनलमा स्पेनका कार्लोस अल्काराजले फेरि एकपटक आफ्नो वर्चश्व स्थापित गरेका छन् ।
फ्रेन्च ओपन इतिहासको सबैभन्दा लामो र सबैभन्दा रोमाञ्चक पाँच सेटको फाइनलमा, अल्काराजले शीर्ष वरीयता प्राप्त इटालियन यानिक सिन्नरलाई सुपर टाइब्रेकरमा ४-६, ६-७ (४), ६-४, ७-६ (३), ७-६ (१०-२) ले पराजित गर्दै लगातार दोस्रो पटक च्याम्पियन बनेका हुन् । यो उनको दोस्रो फ्रेन्च ओपन र समग्रमा पाँचौं ग्रान्ड स्लाम उपाधि हो ।
लड्ने भावना भनेको के हो, यो २२ वर्षीय अल्काराजले फिलिप चटियर कोर्टमा देखाएका थिए । २ ० ले पछि परेका अल्काराजले खेलमा संघर्षपूर्ण कमब्याक गर्दै जित हासिल गरेका थिए ।
फाइनल ती दुई खेलाडीहरू बीच थियो जसले यसअघि कहिल्यै ग्रान्ड स्लाम फाइनल हारेका थिएनन् । अल्काराज विगतमा चार पटक र सिन्नर तीन पटक फाइनलमा पुगेर ग्रान्ड स्लाम विजेता बनेका थिए, तर यहाँ अल्काराजले जिते र सिन्नरले पहिलो पटक ग्रान्ड स्लाम फाइनलमा हार बेहोर्नुपर्यो ।
२०२१ को फ्रेन्च ओपनको फाइनलमा पनि यस्तै खेल खेलिएको थियो, जब नोभाक जोकोभिचले दुई सेटले पछि पर्दै ग्रीसका स्टेफानोस त्सिट्सिपासलाई ६-७, २-६, ६-३, ६-२, ६-४ ले पराजित गरेका थिए । चार वर्षपछि, अल्काराज र सिन्नर बीचको फाइनलले अझ ठूलो उचाइमा पुग्यो ।
यसअघि फ्रेन्च ओपनमा सबैभन्दा लामो फाइनलको रेकर्ड १९८२ मा बनेको थियो । त्यसपछि म्याट्स विलान्डर र गुइलेर्मो भिलास बीचको फाइनल खेल ४ घण्टा ४२ मिनेटसम्म चल्यो ।
.jpeg)
.gif)
