.gif)
नेपाली कांग्रेसको भ्रातृ सङ्गठन नेपाल तरुण दल लमजुङको जिल्ला अधिवेशनमा दुई गुटबीच खुकुरी हानाहानको विषय अहिले चर्चामा रहेको छ । शनिबार भएको खुकुरी प्रहारबाट चारजना घाइते भएका छन् ।
लमजुङ बेँसीसहर नगरपालिका–८ स्थित प्रगतिटोल आमा समूह भवनमा आयोजित कार्यक्रममा शनिबार तरुण दलको पाँचौँ जिल्ला अधिवेशनको उद्घाटनसत्रमा खुकुरी प्रहार भएको हो ।
घाइते हुनेमा बेँसीसहर नगरपालिका–९ का वडाध्यक्षसमेत रहेका तरुण दलका क्षेत्रीय सभापति खुसीजङ्ग गुरुङ, नेपाली कांग्रेस लमजुङका जिल्ला कार्यसमिति सदस्य किशोरजङ्ग बस्नेत, नेपाल विद्यार्थी सङ्घका केन्द्रीय सदस्य सुदीप अधिकारी र नेपाल तरुण दलका सदस्य धन घले रहेका छन् ।
घाइतेमध्ये खुसीजङ्ग र सुदीपलाई सियमी चितवन मेडिकल कलेज भरतपुर लगिएको छ । प्रतिनिधि छनोट विवादका कारण झगडा हुँदा उनीहरुमाथि खुकुरी प्रहार भएको हो । दुई समूहबीच झडप हुँदा उनीहरु घाइते भएको प्रहरीले जनाएको छ । पूर्णकालीन सदस्यता, प्रतिनिधि छनोट गर्नेलगायत विषयमा उनीहरुबीच विवाद भएको बताइएको छ ।
पार्टी जिल्ला सभापतिसमेत रहेका गण्डकी प्रदेशका आर्थिक मामिला मन्त्री टकराज गुरुङ र पार्टी पूर्वसभापति एवं प्रदेशका वन तथा वातावरणमन्त्री भेषबहादुर पौडेल पक्षका युवाबीच खुकुरी हानाहान भएको बताइएको छ । घटनापछि जिल्ला अधिवेसन जेठ १० गतेसम्म स्थगित गरिएको छ ।
.jpeg)
.gif)
