.gif)
राष्ट्रिय प्रजातन्त्र पार्टी (राप्रपा) उपाध्यक्ष बुद्धिमान तामाङले चैत १५ गतेको राजावादी प्रदर्शनमा दुर्गा प्रसाई हाबी भएको देखेपछि आफू त्यहाँबाट निस्किएको बताएका छन् । आज (बुधबार) राज्य व्यवस्था तथा सुशासन समितिको बैठकमा तामाङले आन्दोलनलाई समर्थन गर्दा पार्टीबाट पनि गल्ती भएको हुन सक्ने बताएका हुन् ।
‘मञ्चतिर यसो हेर्दाखेरी त ज्ञानेन्द्र शाहको जत्रै दुर्गा प्रसाईको फोटो देखें । त्यो देखेपछि यो त खत्तम रैछ भन्ने लाग्यो । अनि म फरक्क फर्के । म सिनामंगल आइपुग्दा त टियर ग्यास मञ्चमा हानिसकेको रहेछ,’ उपाध्यक्ष थापाले भने । पार्टीबाट पनि केही ल्याप्सेस भएको हुन सक्ने उनको भनाइ छ ।
‘हाम्रो नि ल्याप्सेस होला नि । जसले जे गर्ने भने त्यसलाई समर्थन गर्ने भन्दा त नहुने रहेछ नि । हाम्रो कार्यविधि छ।साइडबाटै यसो हेरेर म पनि टाप कसिहाले नि,’ उनले भने । त्यस्तै तीनकुनेको घटनामा एक पक्षलाई मात्र दोष लगाइराखिएको पनि उपाध्यक्ष तामाङको भनाइ छ । उनले भने, ‘सत्य तथ्य पत्ता लगाउनुपर्यो । महामन्त्री र वरिष्ठ उपाध्यक्ष थुनामा हुनुहुन्छ । उहाँहरूलाई सबै दोषको जिम्मा लगाउने हो र ? न्यायिक जाँच हुनुपर्यो । जो दोषी छ त्यसलाई सजाय दिनुपर्यो ।’
.jpeg)
.gif)
