भैरहवा–बुटवल सडकखण्डको कालिका नगरमा कारले ठक्कर दिंदा एक वडा सदस्यका मृत्यु भएको छ।
भैरहवाबाट बुटवलतर्फ गईरहेको बा.प्र. ०१–०३१–च५००२ नम्बरको ईभी कारको ठक्करबाट सोही दिशातर्फ गइरहेको लु ३६ प ८४४० नम्बरको मोटरसाइकल चालक ६० वर्षीय खेमराज पाठकको मृत्यु भएको हो ।
उनी तिलोत्तमा नगरपालिका–२ का वडा सदस्य हुन् । इलाका प्रहरी कार्यालयका प्रहरी निरीक्षक धर्मराज खत्रीका अनुसार मोटरसाइकलले कारलाई ओभरटेक गर्ने क्रममा मोटरसाइकल दुर्घटनामा परेको थियो ।
मोटरसाइकल चालकलाई तत्काल उपचारका लागि लुम्बिनी प्रादेशिक अस्पतालमा पुर्याए पनि चिकित्सकले उनलाई मृत घोषणा गरेको प्रहरी निरीक्षक खत्रीले बताए । घटनापछि कार चालक र कार नियन्त्रणमा लिइएको प्रहरीले जनाएको छ ।
© 2026 All right reserved to nepalraibar.com
Design & Developed By 
चर्चित अपडेट
ताजा
