नेकपा माओवादी केन्द्रका वरिष्ठ उपाध्यक्ष नारायणकाजी श्रेष्ठले जनतासँग माओवादी तराई–मधेश जागरण अभियान उद्घाटनका क्रममा आफूलाई बोल्नका लागि अवरोध सिर्जना गर्न खोजिएको बताएका छन् ।
आज चितवनमा सञ्चारकर्मीसँग कुरा गर्दै वरिष्ठ उपाध्यक्ष श्रेष्ठले प्रचण्डको आग्रहमा आफूले उद्घाटन समारोहमा बोल्न सुरु गर्दा मनोवैज्ञानिक रुपमा अवरोध गर्ने स्थिति उत्पन्न भएकाले मन्तव्यलाई अघि नबढाएको जानकारी दिए । उक्त घटनालाई सामान्य रुपमा लिन आग्रह गर्दै श्रेष्ठले प्रचण्डको नेतृत्वमा पार्टी पुनर्गठन र एकतावद्ध ढङ्गले अघि बढाउन प्रतिवद्ध रहेको समेत बताए ।
त्यस्तै, उनले जनतासँग माओवादी तराई–मधेश जागरण अभियानलाई उक्त घटनाले कुनै असर नपर्ने स्पष्ट पारे । पार्टीका नेता, कार्यकर्ता, शुभेच्छुकहरूकाे भावनालाई सकारात्मक रुपमा लिँदै सार्वजनिक रुपमा नै क्षमायाचना गर्न चाहेको उनको भनाइ थियो । वरिष्ठ उपाध्यक्ष श्रेष्ठले अध्यक्ष प्रचण्डको नेतृत्वमा सुरु अभियान असाधारण ढङ्गले सफल हुने जिकिर गरे । श्रेष्ठले सरकारले निरङ्कुश ढङ्गले अध्यादेश ल्याएको र अध्यादेश देशको हितमा नरहेको धारणा राखे ।
के भएको थियो?
माओवादी केन्द्रले हुलाकी राजमार्गकेन्द्रित भएर सोमबार सुरु गरेको ‘जनतासँग माओवादी : तराई मधेस जागरण अभियान’अन्तर्गत झापाको कचनाकबलमा आयोजित कार्यक्रममा वरिष्ठ उपाध्यक्ष श्रेष्ठ झोँक्किएर कार्यक्रम छाडेर हिँडेका थिए ।
उक्त कार्यक्रममा माओवादीका अन्य पदाधिकारी बोल्ने क्रम सकिएपछि अध्यक्षभन्दा अघि श्रेष्ठको बोल्ने पालो आएको थियो । बोल्नेक्रममा श्रेष्ठले संविधानसभाबाट संविधान बनाउने मुद्दादेखि त्यसबाट प्राप्त उपलब्धिसहितका विषय राखेका थिए । श्रेष्ठले कुरा राख्दै गर्दा कार्यक्रमका उद्घोषक माओवादी केन्द्र झापाका अध्यक्ष राज आचार्य रोस्ट्रमनजिक पुगेर उभिएपछि उनी झोँक्किएका थिए ।
श्रेष्ठले कुरा राख्दै गर्दा कार्यक्रमका उद्घोषक माओवादी केन्द्र झापाका अध्यक्ष राज आचार्य रोस्ट्रमनजिक पुगेर उभिएपछि उनी झोँक्किएका थिए । आचार्यतर्फ हेर्दै श्रेष्ठ कड्किएका थिए, “तपाईं मलाई सम्बोधन सक्नुस् भन्न आउनुभएको हो ? हो भने भन्नुस्, म जान्छु ।’
श्रेष्ठले त्यसरी कड्किएर झोँक्किदै प्रश्न गर्दा त्यस्तो नभएको बताएका थिए । आचार्यले भनेका थिए, “होइन, त्यस्तो होइन ।”
उनले होइन भनेपछि श्रेष्ठले जंगिँदै भने, “होइन भने किन अगाडि उभिन आउनुभएको ?”
श्रेष्ठ झोँक्किएपछि उनी पछाडितर्फ लागे । तर, श्रेष्ठको आक्रोश शान्त भएन ।
“समयको चाप छ, म थोरै कुरा भन्न चाहन्थेँ,” दर्शकदीर्घातिर हेरेर उनले भने, “कार्यक्रम सञ्चालकलाई समयको चाप भयो होला, म बिदा चाहन्छु, लाल सलाम !”
नारायणकाजीले त्यसरी बिदा लिएपछि पार्टीगत नाम ‘अग्नि’ भएका आचार्यले आफूबाट ‘गल्ती भएको भए माफी चाहन्छु’ भनेर माफी मागेका थिए ।
अन्त्यमा बोलेका माओवादी केन्द्रका अध्यक्ष पुष्पकमल दाहाल प्रचण्डले उक्त विषय सम्बोधनका क्रममा उठाएका थिए । प्रचण्डले सामान्य विषय नै भए पनि समीक्षा भने गर्ने बताएका थिए ।
© 2026 All right reserved to nepalraibar.com
Design & Developed By 
चर्चित अपडेट
ताजा
