जङ्गली जनावरको आतंक नियन्त्रणमा ढिलाइ गरे गाँउघरको बस्ती रित्तिने चिन्ता

नेपाल रैबार
मंगलवार , फाल्गुण १३, २०८१

प्रतिनिधिसभा सदस्यहरूले जङ्गली जनावरको आतंक नियन्त्रणमा ढिलाइ गरे गाँउघरको बस्ती रित्तिने चिन्ता व्यक्त गर्दै सरकारको ध्यानार्कषण गराएका छन् । प्रतिनिधिसभाको आजको बैठकमा सांसद राजेन्द्र बजगाइँले प्रस्तुत गरेको जरूरी सार्वजनिक महत्वको प्रस्तावमाथिको छलफलमा भाग लिँदै सांसद शेरबहादुर कुँवरले बसाइँसराइ रोक्नुपर्ने, कृषिमा आधुनिकीकरण र व्यावसायिकरण गर्नेदेखि श्रमशक्तिलाई पलायन हुन नदिने कुरामा ध्यान दिनुपर्ने बताए ।

‘गाँउघर रितिँदै छ । गाउँघर बन्जर हुँदैछ, यस्तै हो भने गाउँघरमा मान्छे होइन जनावर मात्र भेटिने छन्’, सांसद कुँवरले भने, ‘अब उत्पादनको क्षेत्रमा राज्यको ध्यान केन्द्रित गर्नुपर्छ । समाधान खोज्न ढिलाइ गर्नु हुँदैन ।’ सांसद सराज अहमद फारुकीले जङ्गली जनावरको आतंक नियन्त्रणका लागि सामुदायिक पहरेदारीदेखी ड्रोनको प्रयोग गर्न सुझाव दिए । सांसद अम्मरबहादुर रायमाझीले ठाँउ विशेषको जङ्गली जनावरबाट आतंक बढेको चर्चा गर्दै पहाडतिर दुम्सी र बाँदरको आतंकले मानवीय बस्ती विस्थापित भएको बताए ।

सांसद अशोक चौधरीले वन विनास र आवास क्षेत्रको सङ्कुचनले जङ्गली जनावर मानवीय बस्तीतर्फ आउने क्रम बढेको बताए । उनले मानव वन्यजन्तु द्वन्द्व नीतिगत खाका निर्माण गरी कार्यान्वयनमा ल्याउनुपर्ने बताए । सांसद विनिता कठायतले जङ्गली जनावरको बासस्थानमाथि मानवीय बस्ती र विकास निर्माणले हस्तक्षेप गरेकातर्फ ध्यानार्कषण गराइन् । उनले जङ्गली जनावरको आतंक रोक्ने नीति बनाउँदै गर्दा जनावरको संरक्षणमा असर पर्न नहुनेतर्फ सचेत गराए ।

सांसद देवप्रसाद तिमलसेनाले हात्ती, बाघ, दुम्सी र निलगाईलाई समावेश गरेर जङ्गली जनावरको आतंक नियन्त्रणका लागि यथाशीघ्र समाधान खोज्न सरकारसँग आग्रह गरे । सांसद रुपा सोशी चौधरीले जङ्गली जनावरको आतंक नियन्त्रणका लागि भारतको अभ्यासबाट सिक्न सकिने बताए । उनले घुम्ती अस्पताल बनाएर बादरको बन्ध्याकरण गर्न सुझाव दिए ।

वन्यजन्तुबाट मानव र बालीनाली जोगाउन ठोस नीति निर्माण गर्नुपर्ने
सोही प्रस्तावमाथिको छलफलमा भाग लिने अन्य सांसदले पनि बाँदर, बँदेल, हात्ती, नीलगाई, दुम्सीलगायत वन्यजन्तुबाट मानिस र बालीनाली जोगाउन ठोस नीति निर्माण गरिनुपर्नेमा जोड दिएका छन् । सांसदहरूले नीतिगत रूपमै समस्या समाधानका लागि अघि बढ्न वन तथा वातावरण मन्त्रालय र कृषि तथा पशुपन्छी विकास मन्त्रालयलाई आग्रह गरे ।

सांसद सुशीला थिङले किसानको घरदैलोमा जाँदा बाँदरको समस्या समाधान गर्न माग हुने गरेको भन्दै समस्या समाधानका लागि तत्काल आवश्यक नीतिसहित अगाडि बढ्नुपर्ने बताए । सांसद मुक्तादेवी यादवले बाँदर र बँदेलका साथै नीलगाईले पनि किसानलाई समस्या भइरहेकाले यो प्रस्तावमा नीलगाईलाई पनि समावेश गर्न आग्रह गरिन् ।

सांसद प्रतीक्षा तिवारीले प्रस्तावमा हात्ती, नीलगाई, दुम्सी र बाघलाई पनि समावेश गरेर जानुपर्ने बताइन् । यी वन्यजन्तुले मानिस र कृषि दुवैमा समस्या पारेकाले ठोस नीति बनाएर नियन्त्रण गरिनुपर्ने उनको भनाइ थियो । सांसद नारायणप्रसाद आचार्यले प्रस्तावले समस्या समाधानमा सहयोग गर्ने विश्वास व्यक्त गरे । खेतीयोग्य जमिन बाँदर, बँदेल, नीलगाई, हात्ती, दुम्सीजस्ता वन्यजन्तुका कारण कम हुन थालेको उनले सुनाए।

सांसद लक्ष्मी तिवारीले भारतमा बाँदर, बँदेल व्यवस्थापनको तालिम लिएकाले अरुलाई सिकाइरहेका छन् कि छैनन् भनी खोजी गरिनुपर्ने बताइन्। स्थानअनुसार बाँदरको जात फरक हुने भएकाले किन वन छोडेर बस्तीमा पस्न थाले भनी अनुसन्धान गरिनुपर्ने उनको भनाइ थियो। सांसद ठाकुर गैरेले बाँदरले ग्रामीण क्षेत्रमा घरभित्र बनाएको खानाको कसौंडी नै लगेर खाने समस्या आएको सुनाए । बन्ध्याकरण, चिडियाघरमा राखेर वा उपयुक्त उपायबाट बाँदर, बँदेललगायत वन्यजन्तुको समस्या समाधान गरिनुपर्नेमा उनको जोड थियो ।

प्रतिक्रिया दिनुहोस्

भर्खरै

जङ्गली जनावरको आतंक नियन्त्रणमा ढिलाइ गरे गाँउघरको बस्ती रित्तिने चिन्ता

बाजुरामा जिप दुर्घटना: दुई जनाको मृत्यु, चालकसहित सात जना घाइते

सार्वजनिक बिदा पुनरावलोकन गर्न कार्यदल गठन

विपद्का बेला कार्यालय नछोड्न स्थानीय तहका कर्मचारीलाई मन्त्रालयको निर्देशन

बाजुरामा जिप दुर्घटना: दुई जनाको मृत्यु, चालकसहित सात जना घाइते

विपद्का बेला कार्यालय नछोड्न स्थानीय तहका कर्मचारीलाई मन्त्रालयको निर्देशन

बसपार्क हत्या प्रकरण : निशा भेटिएको कोठा युवकको नाममा बुक

सम्पादक

रमन बडैला

सूचना विभाग दर्ता नम्बर

१८१६/०७६-७७

+977-9869602660

[email protected]

गृहपृष्ठ

अपडेट

ट्रेन्डिङ

भिडियो

बाजुरामा जिप दुर्घटना: दुई जनाको मृत्यु, चालकसहित सात जना घाइते

सार्वजनिक बिदा पुनरावलोकन गर्न कार्यदल गठन

विपद्का बेला कार्यालय नछोड्न स्थानीय तहका कर्मचारीलाई मन्त्रालयको निर्देशन

जीडब्लुएमको ड्रागन आर्मर ब्याट्रीले विद्युतीय सवारी सुरक्षामा नयाँ मापदण्ड स्थापित गर्दै

बसपार्क हत्या प्रकरण : निशा भेटिएको कोठा युवकको नाममा बुक

छात्राहरूलाई दुर्व्यबहार गर्ने दुई शिक्षक र एक चालक पक्राउ

पोखरा उच्च अदालतले पुराना मुद्दा शून्यमा झार्‍यो

पुँजी बजार सुधार सरकारको विशेष प्राथमिकतामा छ- प्रधानमन्त्री शाह

'जलनका घटना नयाँ होइनन्, हाम्रो चासो नयाँ हो'

हरिपूर्वामा पोषणमैत्री विद्यालय निर्माणका लागि विद्यालय स्वास्थ्य तथा पोषण सम्मेलन सम्पन्न

उसको पढ्ने रहर

साउन २६ देखि आयोजना हुने नेपाल मोबिलिटी एक्सपो अपाङ्गमैत्री हुनेछ: कार्यकारी निर्देशक राजकुमार दुलाल

विश्वकपको उपाधिका बलिया दाबेदार फ्रान्स र स्पेनबीच सेमिफाइनलमा भिडन्त

एकदिवसीय सिरिजमा इङ्ग्ल्यान्डको कमब्याक, भारत ४ विकेटले पराजित

जङ्गली जनावरको आतंक नियन्त्रणमा ढिलाइ गरे गाँउघरको बस्ती रित्तिने चिन्ता

6.1K

6.1K

सम्पादक

रमन बडैला

सूचना विभाग दर्ता नम्बर

१८१६/०७६-७७

+977-9869602660

सर्च गर्नुहोस्

गृहपृष्ठ

अपडेट

ट्रेन्डिङ

भिडियो