.png "ncell")
 (1).gif "machhapuchhre bank")
अमेरिकाले २० अवैध आप्रवासी नेपालीलाई देश निकाला गरेको छ। राष्ट्रपति डोनाल्ड ट्रम्पले सत्ता सम्हालेपछि २० जनालाई नेपाल फर्काइदिएको हो।
फर्काइनेमा जसमा १९ जना पुरुष र १ महिला छन्। त्रिभुवन अन्तर्राष्ट्रिय विमानस्थलको अध्यागमन कार्यालयकी प्रवक्ता सीता परियारका अनुसार, माघ ७ गतेदेखि हिजो मंगलबारसम्म २० जना नेपालीहरु डिपोर्ट भइसकेका छन्।
अमेरिकाको अध्यागमन कार्यालयले सार्वजनिक गरेको सूचीमा १ हजार ३६५ जना नेपालीहरु अवैध रुपमा अमेरिकामा बस्दै आएका छन्। ट्रम्पले सत्ता सम्हालेकै दिन अवैध आप्रवासीहरुलाई स्वदेश फर्काउने कार्यकारी आदेशमा हस्ताक्षर गरेपछि नेपालीहरुको यो संख्या सार्वजनिक भएको थियो। संगठित मानव तस्करको आडमा नेपालीसहित विभिन्न देशका नागरिकहरु अवैध बाटोबाट अमेरिका पुग्ने गरेका छन्।
ट्रम्पले आप्रवासीहरुमाथि कडाइ गर्ने नीति लिएका छन्। सोही नीति अनुसार अमेरिकाले १४ लाख आप्रवासीलाई देश निकाला गर्ने छ। अहिले विभिन्न देशका नागरिकहरुलाई विमान नै चढाएर फर्काइरहेको छ। तर अहिलेसम्म नेपालीहरुलाई फर्काउने क्रममा अमानवीय व्यवहार भएको जानकारी नभएको प्रवक्ता परियारले बताइन्।
.gif "unitedajod")
© 2026 All right reserved to nepalraibar.com
Design & Developed By 
चर्चित अपडेट
ताजा
 (1) (1).gif "muktinath")
.png "tulsipur")
