धादिङको सलाङघाटमा दुईटा कार एकआपसमा ठोक्किँदा चार जना घाइते भएका छन् ।
पृथ्वी राजमार्ग अन्तर्गत धादिङको सलाङघाटमा काठमाडौंबाट पोखरा जाँदै गरेको बा ०१ – ०२९ च १३६९ नम्बरको इलेक्ट्रिक कारलाई मुग्लिङबाट काठमाडौं तर्फ आउँदै गरेको बा ०१ – ०३० च ४५०९ नम्बरको अर्को इलेक्ट्रिक कारले ठक्कर दिएको हो ।
दुर्घटनामा दुवै कारमा सवार २/२ जना घाइते भएको इलाका प्रहरी कार्यालय गजुरिले जानकारी दिएको छ । घाइतेहरुको मलेखु अस्पतालमा उपचार हुँदैछ ।
काठमाडौंतर्फ आउँदै गरेको कारको ब्रेक फेल भएर दुर्घटना भएको चालकले बताएको भए पनि दुर्घटनाबारे थप अनुसन्धान भइरहेको प्रहरीले जनाएको छ ।
© 2026 All right reserved to nepalraibar.com
Design & Developed By 
चर्चित अपडेट
ताजा
