दुर्घटना गराएर फरार भएका झाँक्री प्रकाश भुजेल पक्राउ परेका छन् । गाडीको ठक्करबाट मोटरसाइकलमा सवार दुई जना गम्भीर घाइते भएपछि फरार भुजेलले आफै प्रहरी समक्ष उपस्थित भएका हुन् ।
बा १९ च २६९५ का चालक झाँक्री भुजेलले प्रहरी प्रभाव साँखुमा पुगेर आत्मसमपर्ण गरेका हुन् । उनले प्रहरी कार्यालय जानुअघि आफूले गाडी चलाउँदा बचाउन सक्दो कोशिस गरे पनि नसकेको फेसबुक लाइनमार्फत जानकारी दिएका थिए । उनले आफूले अनुसन्धानका लागि सहयोग गर्ने जनाउँदै दुर्घटना गराउने आफ्नो कुनै मनसाय नभएको जनाएका छन् ।
घाइते भएका श्रीमान–श्रीमतीमध्ये श्रीमान नारायण नगरकोटीको उपचारको क्रममा निधन भएको जिल्ला प्रहरी परिसर काठमाडौँले जानकारी दियो । घाइते सानुमाया नगरकोटीको भने उपचार भइरहेको छ ।
दुर्घटनापछि साँखुमा तनाव सिर्जना भएको छ । स्थानीयले बाटो अवरुद्ध बनाएका छन् । उनीहरुले सडकमा टायर बाल्नुका साथै ढुंगामुढा समेत गरिरहेका छन् । प्रहरीले भुजेल समातिएको भन्दै माइकबाट सूचित गराएको छ ।
© 2026 All right reserved to nepalraibar.com
Design & Developed By 
चर्चित अपडेट
ताजा
