गण्डकी प्रदेशका पदमुक्त भएका सांसद फणिन्द्र देवकोटाले आफूमाथि कारबाही गर्ने निर्णय बदर गर्न माग गरिएको रिटमाथि दोस्रो दिन आज सोमबार को सुनुवाइ सुरू भएको छ । न्यायाधीश प्रकाशमान सिंह राउतको इजलासमा आइतबारदेखि सुनुवाइ सुरू भएको हो । आइतबार सो रिटमाथि बहस नसकिएपछि ’हेर्दाहेर्दै’ मा राखिएको थियो ।
रिटमा गण्डकी प्रदेशसभा सभामुख, गण्डकी प्रदेशसभा, माओवादी केन्द्र, माओवादी केन्द्र गण्डकी प्रदेसभाका संसदीय दलका नेता हरिबहादुर चुमान, निर्वाचन आयोग काठमाडौंलगायतलाई विपक्षी बनाइएको छ ।
गण्डकी प्रदेशका मुख्यमन्त्री सुरेन्द्र पाण्डेको पक्षमा विश्वासको मत दिएपछि माओवादी केन्द्रले उनलाई कारवाही गरी पदमुक्त गरेको थियो । गोरखाबाट माओवादी केन्द्रको निर्वाचन चिन्हबाट निर्वाचित भएका देवकोटाले आफूलाई स्वतन्त्र सांसद भन्दै आएका छन् । स्वतन्त्र सांसदलाई कारबाही गर्ने अधिकार माओवादी केन्द्रलाई नभएको जिकिर गर्दै सो निर्णय खारेजको माग गर्दै उनी सर्वोच्च पुगेका हुन् ।
© 2026 All right reserved to nepalraibar.com
Design & Developed By 
चर्चित अपडेट
ताजा
