आयरल्यान्ड ‘ए’(वुल्भ्स)विरुद्धको खेलमा नेपाललाई पहिलो सफलता मिलेको छ। टस हारेर पहिले बलिङ गरेको नेपालका लागि करण केसीले दोस्रो बलमै आयरल्यान्डका मार्क रिचर्ड एडेयरको विकेट लिएका हुन्।
उनी ४ रन बनाएर बाहिरिए। सोमबार त्रिवि मैदानमा टस जितेर आयरल्यान्डका कप्तान निल रकले पहिला ब्याटिङ गर्ने निर्णय लिए। नेपाली राष्ट्रिय क्रिकेट टोली र आयरल्यान्ड वल्भेसबीचको पहिलो टी-२० खेलमा आयरल्यान्डले टस जितेर पहिले ब्याटिङ गर्ने निर्णय गरेको हो।
नेपाल भ्रमणमा रहेको आयरल्यान्डले राष्ट्रिय टोलीसँग २ खेलको टी-२० सिरिज खेल्दा नेपाल ‘ए’ टोलीसँग समान ३/३ खेलको टी-२० र एकदिवसीय सिरिज खेल्ने कार्यतालिका रहेको छ। टी-२० विश्वकपको तयारीमा रहेको नेपाल पछिल्लो समय आफ्नो पुरानो लयमा फर्किन प्रयासरत रहेको छ।
तर पछिल्ला खेलहरूमा नेपालको निरन्तर परिवर्तित ब्याटिङ अडर चल्न नसक्दा र पार्टटाइम बलरहरूकै भरमा रहँदा चुनौती बढ्दै गएको छ। ब्याटिङ र बलिङमा निरन्तर परीक्षणले अझै नेपालले टी-२० विश्वकपका लागि आधिकारिक प्लेइङ ११ तयार गर्न सकेको छैन।
यस्तो छ आयरल्यान्ड वल्भेस विरुद्धको प्लेइङ ११:
कशुल भुर्तेल, आसिफ शेख (विकेटकिपर), रोहित पौडेल (कप्तान), कुशल मल्ल, अभिनास बोहरा, सन्दीप जोरा, सोमपाल कामी, करण केसी, ललिल नारायण राजवंशी, गुल्सन झा र दिपेन्द्र सिंह ऐरी
नेपालले आज टोलीमा रहेका आकाश चन्द, प्रतिश जिसी, अनिल साहा र विवेक यादवलाई बेन्चमा राखेको छ।
© 2026 All right reserved to nepalraibar.com
Design & Developed By 
चर्चित अपडेट
ताजा
