टेरामक्स भ्रष्टाचार:

निलम्बनकै बेला विकलले श्रीमतीको नाममा किने अमेरिकामा सात करोडको घर

नेपाल रैबार
शुक्रवार , फाल्गुण १८, २०८०

निलम्बनकै बेला विकलले श्रीमतीको नाममा किने अमेरिकामा सात करोडको घर

नेपाल टेलिकमका पूर्व प्रबन्ध निर्देशक सुनिल पौडेल र सुरक्षण प्रिन्टिङ प्रेसका पूर्व कार्यकारी निर्देशक विकल पौडेल भ्रष्टाचार मुद्दामा पक्राउ परेर अहिले अनुसन्धानमा छन् । अख्तियार दुरुपयोग अनुसन्धान आयोगले उनीहरुलाई पक्राउ गरी अनुसन्धान गरिरहेको छ ।

भ्रष्टाचार मुद्दामा अख्तियारको फन्दामा परेकै बेला विकल पौडेलले नेपालबाट पैसा लगेर अमेरिकामा घर किनेको खुलेको छ । उनले पत्नी डा. एलिना बस्नेतको नाममा अमेरिकाको न्युयोर्कमा घरजग्गा किनेको पाइएको छ । गैरकानुनी रुपमा सम्पत्ति आर्जन गरेको भन्दै अख्तियारले पौडेलद्वयलाई पक्राउ गरेर अनुसन्धान गरिरहेको छ । नेपाल राष्ट्र बैंकको स्वीकृति बिना विदेशी बैंकमा विदेशी मुद्रामा खाता खोली रकम जम्मा गरेको, सरकारी सेवामा रहेकै बेला अन्तर्राष्ट्रिय परामर्शदाताका रूपमा काम गरेको र सरकारी सेवामा रहेकै बेला अमेरिकाको पिआर लिएको देखिएकाले प्रमाण नष्ट गर्न सक्ने र भाग्न सक्ने देखिएपछि उनीहरूलाई नियन्त्रणमा लिई अख्तियारले अनुसन्धान गरिरहेको छ ।

विकलले पत्नी एलिनाको नाममा न्युयोर्कमा ५ लाख १५ हजार अमेरिकी डलरमा घरजग्गा खरिद गरेको स्रोतले जानकारी दिएको छ । साढे दुई वर्षअघि सुरक्षण मुद्रण केन्द्रको कार्यकारी भएकै बेला विकलले अमेरिकामा पत्नीको नाममा घरजग्गा खरिद गरेका हुन् स्रोतले जानकारी दिएको छ । सुरक्षण मुद्रण केन्द्रको उपकरणलगायत खरिदमा भ्रष्टाचार मुद्दा लागेर निलम्बनमा परेका उनी अमेरिका पुगेर पत्नीका नाममा घर जोडेर फर्किएको स्रोतले बताएको छ । विकलले २०७७ पुसमै अमेरिकाको कानुनी स्थायी आवासीय अनुमति (एलपिआर) लिइसकेका छन् । उनले एलपिआर पाएपछि घर किनेको पाइएको छ । उनले पत्नी एलिनाको नाममा अमेरिकाको न्युयोर्कस्थित ६३७० चुलिपउड एलएन जेम्सभिलमा घरजग्गा किनेका हुन् ।

एलिना न्युयोर्कस्थित अपस्टेट मेडिकल युनिभर्सिटीको क्यान्सर सेन्टरमा काम गर्छिन् । उनी सो संस्थासँग जोडिनुअघि नै विकलले घरजग्गा खरिद गरेकाले त्यसका लागि नेपालबाटै पैसा लगिएको हुन सक्ने अख्तियारको आशंका छ । सन् २०२१ जनवरी ६ मा अमेरिकाको एलपिआर पाएका विकलले त्यसको नौ महिनापछि सेप्टेम्बर २८ मा करिब ७ करोड रूपैयाँमा घरजग्गा खरिद गरेका थिए । सुरक्षण मुद्रण केन्द्रको खरिदमा अख्तियारको छानबिनमा रहेका विकललाई तत्कालीन सञ्चारमन्त्री ज्ञानेन्द्रबहादुर कार्कीले दोस्रो पटक केन्द्रको कार्यकारीमा नियुक्ति गरेका थिए । तत्कालीन सञ्चारमन्त्री कार्की र सञ्चार सचिव डा. बैकुण्ठप्रसाद अर्यालले नै उनलाई नियुक्ति दिएका थिए ।

सेक्युरिटी प्रिन्टिङमा ६९ करोड ८ लाख रूपैयाँ भ्रष्टाचारको अभियोग लागेका विकललाई दुई वर्षअघि कार्यकारी निर्देशकको पुनः नियुक्ति दिलाउन मापदण्ड संशोधन गरिएको थियो । सो मापदण्ड संशोधनका लागि तत्कालीन सञ्चार सचिव अर्यालले सघाएको र कार्यविधि संशोधन तथा पुनर्नियुक्तिको आसपास उनीहरूबीच संवाद र लेनदेन भएको समाचार प्रकाशित भइसकेको छ । विकलविरुद्ध नेपाल राष्ट्र बैंक, सम्पत्ति शुद्धीकरण अनुसन्धान विभाग, राजस्व अनुसन्धान विभाग र प्रहरीको केन्द्रीय अनुसन्धान ब्युरो (सिआइबी) ले पनि अनुसन्धान गरिहेका बेला डा। अर्यालले रकम लिएको समाचार आएको हो ।

आयोगको हिरासतमा रहेका नेपाल टेलिकमका निलम्बित प्रबन्ध निर्देशक सुनिल पौडेल र सुरक्षण मुद्रण केन्द्रका निलम्बित कार्यकारी निर्देशक विकल पौडेलले सिंगापुरमा रकम जम्मा गरेको खुलेको थियो । पौडेलद्वयको रकम सिंगापुरस्थित ब्यानकोटेक नामको कम्पनीले जम्मा गरेको प्रमाण फेला परेको थियो । सुनिलको ३८०–९४८३१०८ नम्बरको खातामा २०२२ जनवरी २ मा ५८ हजार अमेरिकी डलर जम्मा भएको थियो । त्यो रकम सिंगापुरकै ब्यानकोटेक नामक कम्पनीले स्ट्यान्डर्ड चार्टर्ड बैंक हुँदै उनको खातामा जम्मा गरेको पाइएको छ ।

त्यस्तै २०२१ डिसेम्बर ६ मा अमेरिकाको इन्स्टासेफ नामक कम्पनीले बैंक अफ अमेरिका हुँदै उनको खातामा ७७ हजार ५४५ अमेरिकी डलर जम्मा गरेको देखिएको छ । २०२१ अगस्ट २ मा अमेरिकाको इन्स्टासेफबाटै २४ हजार ९९५ र २०२१ अगस्ट २५ मा ४७ हजार ७४५ डलर जम्मा भएको छ । त्यसैगरी अमेरिकाको इन्स्टासेफबाट ३८०–९४७२०८४ नम्बरको खातामा २०२१ अगस्ट २ मा विकलको २४ हजार ९९५ डलर जम्मा भएको देखिएको थियो। २०२१ मार्च २४ ब्यानकोटेकले उनको खातामा रेमिट्यान्सका रूपमा ५० हजार अमेरिकी डलर जम्मा गरेको स्रोतले जनाएको छ ।

प्रतिक्रिया दिनुहोस्

भर्खरै

निलम्बनकै बेला विकलले श्रीमतीको नाममा किने अमेरिकामा सात करोडको घर

पकेट क्षेत्रमा आलुको उत्पादन घट्यो

ट्राफिक नियम उल्लंघन गरेको आरोपमा हर्क साम्पाङलाई कारवाही

दीपक खड्कालाई काँग्रेस अनुशासन समितिले सोध्यो स्पष्टीकरण

चितवनको रत्ननगरमा नयाँ शोरुमसँगै कजारिया रमेश टायल्सको उपस्थिति विस्तार

पुल नबनेपछि हुम्लावासीले श्रमदानमै बनाए काठे पुल

इप्पानमा स्वतः अध्यक्ष व्यवस्था हटाउने प्रस्ताव

रोल्पामा अटो दुर्घटना हुदा चालकसहित ७ जना घाइते

घाम–पानीको सहारा छाता : चर्को घाम बढ्दो विक्री (तस्बिरहरु)

सम्पादक

रमन बडैला

सूचना विभाग दर्ता नम्बर

१८१६/०७६-७७

+977-9869602660

[email protected]

गृहपृष्ठ

अपडेट

ट्रेन्डिङ

भिडियो

पकेट क्षेत्रमा आलुको उत्पादन घट्यो

ट्राफिक नियम उल्लंघन गरेको आरोपमा हर्क साम्पाङलाई कारवाही

दीपक खड्कालाई काँग्रेस अनुशासन समितिले सोध्यो स्पष्टीकरण

चितवनको रत्ननगरमा नयाँ शोरुमसँगै कजारिया रमेश टायल्सको उपस्थिति विस्तार

क्यापिटल होटल एन्ड हस्पिटालिटी र म्यारियट इन्टरनेसनलबीच होटल व्यवस्थापन सम्झौता सम्पन्न

माछापुच्छ्रे बैंकद्वारा नेपाल–भारत–नेपाल क्रस बोर्डर ट्रान्सफर सेवा सञ्चालनमा

स्वास्थ्यमन्त्री निशा मेहता र संयुक्त राष्ट्रसङ्घका आवासीय सह-संयोजकबीच भेटघाट

भ्रष्टाचार मुद्दापछि वीरगन्जका मेयर राजेशमान सिंह निलम्बित

एनएमबि बैंकद्वारा नेपाल–भारत पैसा पठाउने नयाँ (क्रस–बर्डर P2P) सेवाको सुरुवात

दुई दिने विदा हटाउने सरकारको तयारी

चोरेरै बनाए साढे ३ तले घर, जोडे करोडाैंको गाडी र जग्गा

‘नेपाल वेलनेस वर्ष’: सांस्कृतिक कूटनीतिको नयाँ अध्याय

प्रधान सेनापति राष्ट्रिय खुला टेनिस प्रतियोगिता सम्पन्न

बजेटले साना किसानलाई भित्तामा पुर्‍यायो : संयोजक उद्धव अधिकारी

पर्सा गाउँपालिकाका ३ हजार २६६ बालबालिकालाई बिरुवा तथा शैक्षिक सामग्री वितरण

निलम्बनकै बेला विकलले श्रीमतीको नाममा किने अमेरिकामा सात करोडको घर

54.4K

54.4K

सम्बन्धित विषय:

सम्पादक

रमन बडैला

सूचना विभाग दर्ता नम्बर

१८१६/०७६-७७

+977-9869602660

सर्च गर्नुहोस्

गृहपृष्ठ

अपडेट

ट्रेन्डिङ

भिडियो