शनिवार, फाल्गुण १९ गते २०८०

२०८०, फाल्गुण १९गते

2nd Mar 2024

    शनिवार, फाल्गुण १९ २०८०
images
images

एकदिवसीय सिरिजः क्यानडाले नेपाललाई दियो २३३ रनको लक्ष्य

एकदिवसीय सिरिजः क्यानडाले नेपाललाई दियो २३३ रनको लक्ष्य

सोमवार, माघ २९ २०८०
सोमवार, माघ २९ २०८०
  • एकदिवसीय सिरिजः क्यानडाले नेपाललाई दियो २३३ रनको लक्ष्य

    क्यानडाविरुद्धको एकदिवसीय सिरिजको अन्तिम तथा तेस्रो खेलमा क्यानडाले नेपाललाई २३३ रनको लक्ष्य दिएको छ । टियु मैदानमा टस हारेर पहिला ब्याटिङको निम्तो पाएको क्यानडाले निर्धारित ५० ओभरमा ८ विकेट गुमाउँदै २३२ रन जोड्यो ।

    क्यानडाका लागि ओपनिङ ब्याटर नवनीत धिवालले अर्धशतक प्रहार गरे । ५० रन जोडे लगत्तै उनलाई नेपालका ललित राजवंशीले आकास चन्दबाट क्याच गराए। त्यसअघि अर्का ओपनर आरोन जोनसनलाई डेब्यू खेलाडी हेमन्त धामीले देव खनालबाट ७ रनमा क्याच गराए । नेपालका लागि एकदिवसीय खेल खेल्ने ४१औं खेलाडी बनेका धामीले चोटका कारण यू–१९ गुमाएका थिए ।

    निकोलास किर्टन ३ रनमा आउट हुँदा हर्ष ठाकेरले २९ रन जोडे । दुवैलाई नेपालका कुशल मल्लले आउट गरेका थिए । विकेटकिपर श्रेयस मोभ्भालाई हेमन्त धामीले २५ रनमा कुशल भुर्तेलबाट क्याच गराए । ४८ ओभरमा आउट भएका निखिल दत्ताले जोडेको ४५ रन क्यानडाका लागि महत्वपूर्ण सावित भयो । रनआउट हुनुअघि उनले ६२ बलमा २ चौका र १ छक्का प्रहार गरे ।

    images

    कप्तान शाद बीन जाफरले ३१ रन जोड्ने क्रममा १५ बलमा ३ चौका र २ छक्का प्रहार गरे । बलिङमा नेपालका हेमन्त धामीले ३ विकेट लिए । उनले ८ ओभरमा ४९ रन खर्चिए । कुशल मल्लले २ विकेट लिए भने ललित राजवंशी र आकास चन्दले १–१ विकेट लिए ।

    यसअघि लगातार दुई खेल जित्दै नेपालले सिरिज कब्जा गरिसकेको छ । फागुन पहिलो सातादेखि त्रिवि मैदानमै हुने आइसिसी विश्वकप लिग–२ को सिरिजको तयारीका लागि नेपालले क्याडनासँग खेलेको हो । लिग–२ को यो सिरिजमा नेपाल, नामिबिया र नेदरल्यान्ड्सबीच प्रतिस्पर्धा हुँदैछ ।

    images
    images
    images
    प्रतिक्रिया दिनुहोस्
    images
    images
    images
    भर्खरै
    images
    images
    images
    साताको लोकप्रीय
    images
    थप समाचार