.png "ncell")
 (1).gif "machhapuchhre bank")
निजी क्षेत्रको हवाई सेवा प्रदायक कम्पनी बुद्ध एयरले नवविवाहित जोडीहरुलाई लक्षित गरेर ल्याएको निःशुल्क टिकट योजनाले दुलाहा दुलही निकै आकर्षित भएका छन् ।
दुलाहा दुलहीको तस्विर समेत राखेर बुद्ध एयरको फेसबुकमा लेखिएको विषयमा पनि धेरैले सकारात्मक प्रतिक्रिया दिएका छन् । हिजो पाँच जोडी बेहुलाबेहुलीको तस्बिर राखेर बुद्ध एयरको जहाजलाई पृष्ठभूमिममा राखेर खिचिएको फोटोको फेसबुकमा निकै प्रचार पनि भएको छ ।
कतिले त यो देखेपछि त्यसको कमेन्टमा फेरि बिहे गर्नुपर्छ कि क्याहो भनी ठट्यौली गरेका थिए भने केहीले आफ्ना पालामा त यस्तो कुनै एयरलाइन्सको अफर थिएन के गर्नु भनेर पनि टिप्पणी गरेका छन् । त्यसैगरी कतिले हिजोको त्यो फोटोमा उक्त एयरलाइन्सको प्रचारप्रसारको शैली र अफर सिर्जनात्मक रहेको भन्दै प्रसंशा पनि गरेका छन् । जे होेस, यो उपहार कार्यक्रमको निकै नै प्रशंसा गरिएको देखिएको छ ।
यसबाट नवविवाहित जोडी पनि निकै खुसी भएका छन् । उनीहरुले बडो खुसी मुडमा तस्बिर खिचाएर बुद्ध एयरलाई ट्याग गरी फेसबुकमा राखेका पनि छन् । मङ्सिर तथा पुस महिनाको विवाहपञ्चमीभित्र विवाह गर्ने नवविवाहित जोडीलाई काठमाडौँ–पोखराको दुईतर्फी उडान टिकट निःशुल्क उपहार दिन लागेको बुद्ध एयरका प्रवक्ता दीपेन्द्र कर्णले जानकारी दिए ।
उनले भने, “मङ्सिर तथा पुस महिनाको विवाहपञ्चमीभित्र विवाह गर्ने नवविवाहित जोडी मध्य १० जनालाई हामीले निःशुल्क टिकट दिने भएको छौँ, टिकटको समयावधी तीन महिनाको हुने र उक्त समयावधी भित्र यात्रा गरि सक्नु पर्ने छ ।”
काठमाडौँ–पोखराको दुईतर्फी उडान टिकट निःशुल्क उपहार लिनका लागि बुद्ध एयरको जहाजसँग नवविवाहित बेहुला बेहुलीको तस्विर बुद्ध एयरको सामाजिक सञ्जालमा ट्याग वा पोष्ट गर्नुपर्ने कम्पनीले नियम बनाएको छ ।
गएको माघ महिनामा पनि कम्पनीले उक्त टिकट उपहार योजना सञ्चालनमा ल्याएको र ४१ जना नवविवाहितहरुले तस्विर बुद्ध एयरको सामाजिक सञ्जालमा ट्याग गरेकाले सबैलाई काठमाडौँ–पोखराको दुईतर्फी उडान टिकट निःशुल्क उपहार दिइएको बुद्ध एयरका प्रवक्ता कर्णले बताए ।
उहाँले भन्नुभयो, “अघिल्लो पटक हाम्रो सामाजिक सञ्जालमा फोटो ट्याग गरेका सबै नवविवाहितहरुलाई निःशुल्क टिकट प्रदान गरेका थियौँ, अहिले धेरै सङ्ख्यामा फोटो आउन थालेपछि यो पटकदेखि १० जना नवविवाहितहरुलाई छानिने छ ।” यसरी नव विवाहितलाई निःशुल्क टिकट प्रदान गर्ने बुद्ध एयर पहिलो हवाई कम्पन भएको दावी गरिएको छ ।
.gif "unitedajod")
© 2026 All right reserved to nepalraibar.com
Design & Developed By 
चर्चित अपडेट
ताजा
 (1) (1).gif "muktinath")
.png "tulsipur")
