घरेलु मैदानमा जारी त्रिदेशीय ट्वान्टी–२० शृंखलाको फाइनलमा युनाइटेड अरब इमिरेट्स (यूएई) विरुद्ध ब्याटिङमा नेपालले दबाब बनाएको छ ।
कीर्तिपुरस्थित त्रिवि क्रिकेट मैदानमा टस हारेर ब्याटिङमा आएको नेपालले १० ओभरको समाप्तिमा तीन विकेट गुमाएर ९५ रन बनाएको छ । नेपालबाट हाल क्रिजमा रहेका दीपेन्द्रसिंह ऐरी १६ र कप्तान रोहितकुमार पौडेल १० रनमा खेलिरहेका छन् ।
त्यसअघि नेपालले आसिफ सेखलाई सात, कुशल भुर्तेललाई ५० र कुशल मल्ललाई एक रनमा गुमाएको थियो ।