जापानमा ६.९ म्याग्निच्युडको शक्तिशाली भूकम्प

नेपाल रैबार
बिहिवार , आषाढ ११, २०८३

जापानमा ६.९ म्याग्निच्युडको शक्तिशाली भूकम्प

भेनेजुएलामा शक्तिशाली भूकम्पले क्षति पुर्‍याएको केही समयमै जापानको उत्तरी क्षेत्रमा पनि शक्तिशाली भूकम्प गएको छ । बिहीबार जापानमा ६.९ म्याग्निच्युडको भूकम्प गएको हो । यसको धक्का राजधानी टोकियोसम्म महसुस गरिएको जापानको मौसम एजेन्सीले जनाएको छ ।

अधिकारीहरूका अनुसार हालसम्म भूकम्पका कारण मानवीय क्षतिको कुनै जानकारी प्राप्त भएको छैन । साथै सुनामीको जोखिम नदेखिएकाले कुनै चेतावनी पनि जारी गरिएको छैन ।

मौसम एजेन्सीका अनुसार भूकम्पको केन्द्र होन्सु टापुको इवाते प्रान्त नजिक जमिनमुनि करिब ५० किलोमिटर गहिराइमा रहेको थियो । हालसम्म ठूलो भौतिक क्षतिको विवरण नआए पनि सुरक्षाका लागि इवाते क्षेत्रमा तीव्र गतिको रेल सेवा अस्थायी रूपमा रोकिएको छ ।

छिमेकी ओमोरी प्रान्तको हासिकामी क्षेत्रमा भूकम्पको धक्का सबैभन्दा बलियो महसुस गरिएको थियो । स्थानीय एक महिलाले भूकम्पका कारण घरभित्र रहेको तस्बिरको फ्रेम खसेको तर अन्य कुनै क्षति नभएको बताएकी छन् ।

राष्ट्रिय प्रसारण संस्था एनएचकेले सार्वजनिक गरेको दृश्यमा हाचिनोहे सहरको जनजीवन सामान्य देखिएको छ । सडक यातायात नियमित रहेको र ट्राफिक बत्तीहरू पनि सामान्य रूपमा सञ्चालन भइरहेको जनाइएको छ ।

सरकारी प्रवक्ता मिनोरु किहाराले हालसम्म कुनै मानवीय क्षतिको विवरण प्राप्त नभएको जानकारी दिएका छन् । उनका अनुसार सम्बन्धित निकायहरूले सम्भावित क्षतिको मूल्याङ्कन गरिरहेका छन् र अवस्थामाथि निरन्तर निगरानी राखिएको छ ।

होक्काइडो टापुस्थित तोमारी आणविक ऊर्जा केन्द्र आसपास विकिरणको जाँच गरिएकोमा सबै अवस्था सामान्य रहेको पुष्टि गरिएको छ ।

ओमोरी क्षेत्रमा जापानको सात तहको भूकम्प मापन प्रणालीअनुसार भूकम्पको तीव्रता ‘माथिल्लो छ’ स्तरमा मापन गरिएको छ। यस स्तरको कम्पनमा मानिसहरूलाई उभिन कठिन हुने, लड्न सक्ने, भारी फर्निचर ढल्न सक्ने तथा झ्यालका सिसा फुट्न सक्ने जोखिम रहने बताइएको छ।

प्रधानमन्त्री सानाए ताकाइचीले सबै मन्त्रालय तथा सरकारी निकायलाई स्थानीय प्रशासनसँग समन्वय गरेर काम गर्न निर्देशन दिएकी छन्। उनले सामाजिक सञ्जालमार्फत नागरिकहरूलाई सम्भावित परकम्पको जोखिमलाई ध्यानमा राख्दै सतर्क रहन आग्रह गरेकी छन्।

जापान विश्वकै सबैभन्दा बढी भूकम्प प्रभावित मुलुकमध्ये एक मानिन्छ। प्रशान्त महासागरको ‘अग्नि घेरा’ क्षेत्रमा अवस्थित भएकाले त्यहाँ हरेक वर्ष सयौँ पटक भूकम्पका धक्का महसुस हुने गर्छन्। विश्वभर हुने कुल भूकम्पमध्ये करिब १८ प्रतिशत यही क्षेत्रमा पर्ने वैज्ञानिक तथ्याङ्कले देखाएको छ।

प्रतिक्रिया दिनुहोस्

भर्खरै

जापानमा ६.९ म्याग्निच्युडको शक्तिशाली भूकम्प

रास्वपाको केन्द्रीय सदस्यको निर्वाचनमा २ हजार ९५९ मत खस्यो

'ज्वाला' मेसिनले खाएछ भन्दै ज्वाला संग्रौलाको असन्तुष्टि

शंकर पोखरेलको रास्वपालाई चेतावनी- नयाँ राजनीतिक द्वन्द्वको बीउ नरोपोस्

भविष्य बर्बाद भयो भन्दै कक्षा १२ का विद्यार्थीले गरे विरोध प्रदर्शन (तस्बिरहरु)

भेनेजुएलामा शक्तिशाली भूकम्प, ठुलो मानवीय क्षतिको आशंका

भीषण गर्मीको चपेटामा युरोप, सबैभन्दा बढी फ्रान्समा

इरानको रोक्का राखेको ६ अर्ब डलर रिलिज गर्ने तयारीमा अमेरिका र कतार

इरानले सम्झौताका सर्त पालना नगरे फेरी कारवाही गर्छौं- ट्रम्प

सम्पादक

रमन बडैला

सूचना विभाग दर्ता नम्बर

१८१६/०७६-७७

+977-9869602660

[email protected]

गृहपृष्ठ

अपडेट

ट्रेन्डिङ

भिडियो

रास्वपाको केन्द्रीय सदस्यको निर्वाचनमा २ हजार ९५९ मत खस्यो

'ज्वाला' मेसिनले खाएछ भन्दै ज्वाला संग्रौलाको असन्तुष्टि

शंकर पोखरेलको रास्वपालाई चेतावनी- नयाँ राजनीतिक द्वन्द्वको बीउ नरोपोस्

भविष्य बर्बाद भयो भन्दै कक्षा १२ का विद्यार्थीले गरे विरोध प्रदर्शन (तस्बिरहरु)

जापानमा ६.९ म्याग्निच्युडको शक्तिशाली भूकम्प

महाधिवेशनले पार्टीलाई बलियो र एकीकृत बनाउँछ : सञ्चारमन्त्री तिमिल्सिना

बिपी राजमार्ग : केही दिनमै नयाँ ट्रयाकबाट सवारी सञ्चालनको तयारी

रास्वपा महाधिवेशन : सभापतिले मतदान गरेसँगै पहिलो चरणको मतदान सम्पन्न

विष्णु पौडेलको बन्दी प्रत्यक्षीकरण रिटमा कारण देखाऊ आदेश

जग्गादाता रामदरेश रायको योगदानले साकार भयो सपना : हरिपूर्वा–६ को नयाँ वडा कार्यालय भवन उद्घाटन

मधेस सरकारको बजेट–४१ अर्ब १३ करोड ८६ लाख (पूर्णपाठ)

टेम्पो भीरबाट खसालिएको घटनाको छानबिन गर्न समिति गठन

मोरक्कोसँग बराबरीमा रोकियो ब्राजिल

विश्वकप सुरु हुनुअघि विवादै विवाद: भिसा समस्या, महँगो टिकट र अस्तव्यस्त व्यवस्थापन

ट्रम्पको दाबी अस्वीकार गर्दै इरानले भन्यो- कुनै सम्झौता भएको छैन

जापानमा ६.९ म्याग्निच्युडको शक्तिशाली भूकम्प

476

476

सम्पादक

रमन बडैला

सूचना विभाग दर्ता नम्बर

१८१६/०७६-७७

+977-9869602660

सर्च गर्नुहोस्

गृहपृष्ठ

अपडेट

ट्रेन्डिङ

भिडियो