 (1).gif "machhapuchhre bank")
बालेन्द्र शाह झापा–५ बाट प्रतिनिधि सभामा निर्वाचित भएका छन्। राष्ट्रिय स्वतन्त्र पार्टी (रास्वपा) का तर्फबाट उम्मेदवार बनेका उनले अन्तिम मतपरिणाम सार्वजनिक भएसँगै मतदातालाई धन्यवाद दिएका हुन्।
मुख्य निर्वाचन कार्यालयले सार्वजनिक गरेको अन्तिम मतपरिणाम अनुसार बालेन शाहले ६८ हजार ३४८ मत प्राप्त गर्दै विजय हासिल गरेका हुन्। उनले केपी शर्मा ओली लाई पराजित गरेका छन्, जो नेपाल कम्युनिस्ट पार्टी (एकीकृत मार्क्सवादी–लेनिनवादी) का अध्यक्ष समेत हुन्।
निर्वाचनमा केपी शर्मा ओलीले १८ हजार ७३४ मत प्राप्त गरेका थिए। बालेन र ओलीबीच ४९ हजार ६१४ मतको फराकिलो अन्तर रहेको छ।
निर्वाचन परिणामपछि बालेन शाहले मुख्य निर्वाचन कार्यालयबाट आफ्नो निर्वाचन प्रमाणपत्र ग्रहण गरेका छन्। प्रमाणपत्र लिएपछि उनी आफ्ना समर्थकहरूमाझ पुगेका थिए। त्यहाँ उनले “तपाईंहरूलाई धेरै धेरै धन्यवाद” लेखिएको ब्यानर देखाउँदै मतदाताप्रति आभार व्यक्त गरेका थिए।
यस वर्षको निर्वाचनमा झापा–५ सबैभन्दा चर्चित निर्वाचन क्षेत्रमध्ये एक बनेको थियो। काठमाडौं महानगरपालिकाका पूर्वमेयर बालेन शाहले उम्मेदवारी दिएसँगै केपी शर्मा ओलीसँग हुने प्रतिस्पर्धा देशभर चर्चा र चासोको विषय बनेको थियो।
© 2026 All right reserved to nepalraibar.com
Design & Developed By 
चर्चित अपडेट
ताजा
