.gif)
काठमाडौँ महानगरले लामो समयपछि कार्यपालिका बैठक बोलाएको छ । शुक्रबार दिउँसो २ बजे बैठक बोलाइएको महानगरका प्रेस सहजकर्ता सुरेन्द्र बजगाईले जानकारी दिए। उनका अनुसार बिहान ११ बजे राजस्व परामर्श समितिको बैठक बस्नेछ भने त्यसपछि दिउँसो २ बजे कार्यपालिका बैठक बस्नेछ ।
महानगरका मेयर बोलेन्द्र शाह र अन्य जनप्रतिनिधिबीच विवाद हुँदा ६ महिनादेखि कार्यपालिका बैठक बस्न सकेको थिएन । यही विवादकै कारण महानगरले बजेट समेत ल्याउन सकेको छैन्। मेयर शाहले महानगरका प्रमुख प्रशासकीय अधिकृत सरोज गुरागाईको उपस्थिति नहुने गरी मात्रै बैठक बोलाउने अडान लिएका थिए । तर, बजेट नै नआएपछि विवादमा उत्रिएका मेयर शाह र अन्य दुवै पक्ष दवावमा थिए ।
काठमाडौँ भ्युटावर निर्माणसम्बन्धी विवादमा मेयर शाहले प्रमुख प्रशासकीय अधिकृत गुरागाईलाई त्यहाँबाट हटाएका थिए । तर, संघीय सरकारलाई पुनः उनैलाई पठाएपछि उनले अस्वीकार गरेका थिए ।
मेयर शाहको असहमतिका बाबजुद पनि उपमेयर सुनिता डंगोलको नेतृत्वमा वडाध्यक्षहरुले गुरागाईलाई कार्यालयमा भित्र्याएका थिए ।
.jpeg)
.gif)
