एकिकरण नेपाल गोरखाले जापान सरकार परराष्ट्र मन्त्रालयको अनुदान सहयोग एवं चाइल्डफण्ड जापानको प्राविधिक सहयोगमा निर्माण गरेको प्रभात किरण माद्यमिक विद्यालय हिजो एक औपचारिक कार्यक्रम विच हस्तान्तरण भएको छ । नेपालको लागि जापानको दुतावासको चार्ज डी अफ्यर एड इन्टेरियम तामुरा ताकाहिरो तथा गाँउपालिकाको अध्यक्ष लक्ष्मण गुरुङले संयुक्त रुपमा भवन उद्घाटन गरि विद्यालयलाई उक्त भवन हस्तान्तरण गरेको हो ।
२०७२ सालको भुकम्प पछि निर्माण बाँकी रहेको उक्त विद्यालय विद्यालय, वडा कार्यालय, गाँउपालिकाको अनुरोधमा एकिकरण नेपाल गोरखाले निर्माण सम्पन्न गरेको हो । झण्डै ४ करोड लगानीमा बनेको उक्त विद्यालयमा एकिकरण नेपाल गोरखाले ८ वटा कक्षाकोठा, ग्याविन पर्खाल, कक्षाकोठा फर्निचर, खानेपानीको व्यवस्था, खेलमैदान लगायतको काम सम्पन्न गरेको एकिकरण नेपाल गोरखाको कार्यकारी निर्देशक हरि देवकोटाले बताए ।
उद्घाटन कार्यक्रममा बोल्दै नेपालको लागि जापानको दुतावासको चार्ज डी अफ्यर एड इन्टेरियम तामुरा ताकाहिरोले गोरखाको दुर्गम गाँउमा आएर विद्यालय बनाउन पाउँदा खुशी व्यक्त गरे । उनले विद्यालय भवन निर्माण भएपछि बालबालिका सुरक्षित रुपमा विद्यालय पढ्न पाउने हुँदा यसले पढाईको गुणस्तरमा समेत सुधार आउने अपेक्षा व्यक्त गरे । गाँउपालिकाको अध्यक्ष लक्ष्मण गुरुङले एकिकरण नेपाल गोरखा, चाइल्डफण्ड जापान र जापानी नागरिकहरु प्रति कृतज्ञता व्यक्त गर्दै सुरु भएको ९ महिनामै यति धेरै काम भएकोमा संस्थाप्रति आभार व्यक्त गरे ।
साथै उपाध्यक्ष सुनिला गुरुङले गाँउपालिका एकिकरण नेपाल गोरखाको कामको मुक्तकण्ठले प्रशंसा गर्दै आगामी दिनमा कृषि, आयआर्जन, रोजगारी, स्वास्थ्य र अन्य विषयगत क्षेत्रमा काम गर्न इच्छुक रहेको कुरा व्यक्त गरिन । कार्यक्रममा चाइल्डफण्ड जापानको कार्यक्रम निर्देशक मासाहिरो, नेपालको निर्देशक आङ पासाङ शेर्पा, वडा अध्यक्ष राकेश गुरुङ, विद्यालयको प्रधानाध्यापक जीत बहादुर गुरुङ लगायतले मन्तव्य राखेका थिए ।
© 2026 All right reserved to nepalraibar.com
Design & Developed By 
चर्चित अपडेट
ताजा
