.png "ncell")
 (1).gif "machhapuchhre bank")
नेपाल समाजवादी पार्टी (नेसपा) का अध्यक्ष तथा पूर्व प्रधानमन्त्री डा. बाबुराम भट्टराईले पछिल्लो समय ‘बेइमान’ सँग सहकार्य गर्दा ठगिएको टिप्पणी गरेका छन् । बुधवार आफ्नै पार्टी निकट नेपाल समाजवादी विद्यार्थी युनियनको राष्ट्रिय अधिवेशनलाई सम्बोधन गर्दै अध्यक्ष भट्टराईले यस्तो दुःखेसो पोखेका हुन् ।
‘हामीले जुन वैकल्पिक शक्ति निर्माण गरेका छौं । त्यसमा केही बाँङ्गोटिङ्गो भयो,’ अध्यक्ष भट्टराईले भने, ‘बेइमानहरूसँग सहकार्य गर्दा ठगिएका मात्र हौं, हामीले अरू केही गल्ती गरेका होइनौं ।’ आफूले अझै पनि वैकल्पिक शक्ति निर्माण गर्ने सिद्धान्त र विचार नछाडेका भट्टराईले दाबी गरेका छन् ।
उनले भने, ‘खाली के हो भने संघीय लोकतान्त्रिक गणतन्त्र आएपछि शान्ति प्रक्रियाका केही कामहरू बाँकी छन् । राजावादीहरूले त्यसलाई मन पराएका छैनन् । अर्को हाम्रो ठूलो छिमेकीले हाम्रो संविधानलाई स्वीकार पनि गरेको छैन।’ अध्यक्ष भट्टराईले अब पुराना राजनीतिक दलसँग एकता र सहकार्य हुने सम्भावना नै सकिएको बताएका छन् ।
‘पुराना पार्टीहरूसँग मिल्ने कहिल्यै भनेकै छैन । सहकार्य गरेको हो त । मधेसवादी र क्षेत्रीय दलहरू समेत आन्दोलनबाट आएका हुनाले सहकार्य गरिएको हो,’ उनले भने । तर मधेसवादी दल पनि धेरै पर पुगिसकेको भट्टराईले टिप्पणी गरेका छन् ।
.gif "unitedajod")
© 2026 All right reserved to nepalraibar.com
Design & Developed By 
चर्चित अपडेट
ताजा
 (1) (1).gif "muktinath")
.png "tulsipur")
