हिमालयन मेडिटेशन शिवकृपानन्द स्वामी फाउण्डेशनका संस्थापक बाबा स्वामीले (गुडविल एम्बास्डर अफ नेपाल–२०२०) ले नेपालको आध्यात्मिक, योगा तथा वेलनेश पर्यटन प्रवर्द्धनका लागि नेपालमा ध्यान शिविर आयोजन गर्न लागेको बताएका छन् ।
बिहीबार पत्रकार सम्मेलन गर्दै मंसिर १४ र १५ गते पोखरामा संसद् शिविर र रंगशालामा आम जनताका लागि ध्यान शिविर हुने बताएका हुन् । साथै भोलि शुक्रबार बिहान ६ः३० मा काठमाडौंको सितापाइलास्थित हलचोकमा सशस्त्र प्रहरी बलको केन्द्रीय कार्यालयको सभाहलमा संसद् शिविर समेत रहेको बताए ।
यसैगरी उक्त पत्रकार सम्मेलनमा बोल्दै नेकपा एमालेका सांसद दामोदर पौडेल वैरागीले विश्वमा शान्ति ल्याउन चाहेको बताएका छन् । उनले हाम्रो वातवरणलाई स्वच्छ राख्नको लागि जुनसुकै ठाउँमा भएपनि स्थिरता हुन आवश्यक रहेको बताएका हुन् ।
उनले भने, ‘खासगरी विश्वमा शान्ति ल्याउन चाहन्छौँ । मानवता ल्याउन चाहन्छौँ । वातावरणलाई स्वच्छ राख्न चाहन्छौँ, भाषा, जाति, भूगोल, शिक्षा दिक्षा र ज्ञानका हिसाबले जुनसुकै ठाउँमा भएपनि हामी स्थिरता चाहन्छौँ । शान्ति चाहन्छौँ, र समृद्धि चाहन्छौँ । ’
साथै उनले हरेक कुरामा अनुशासन हुनुपर्ने बताए । उनले हामी सबै ज्ञानी भएर काम गर्न सके हरेक कुरामा आत्मसन्तुष्टि मिल्ने बताए ।
© 2026 All right reserved to nepalraibar.com
Design & Developed By 
चर्चित अपडेट
ताजा
